គំនូរមួយផ្ទាំងនេះ លក់ដេញថ្លៃបានតម្លៃកប់ពពក បំបែកកំណត់ត្រាពិភពលោក

2017-11-16 02:32:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

“Salvator Mundi” ជារូបគំនូរគូរដោយអតីតវិចិត្រករល្បីល្បាញ Leonardo da Vinci ដែលទើបដាក់ដេញថ្លៃបានតម្លៃ ៤៥០លានដុល្លារ កាលពីថ្ងៃទី១៥ ខែវិច្ឆិកា ឆ្នាំ២០១៧ ក្នុងទីក្រុងញ៉ូវយ៉ក សហរដ្ឋអាមេរិក។ វាជាតម្លៃដ៏ខ្ពស់មួយមិនធ្លាប់មាន សម្រាប់ការដាក់ដេញថ្លៃផ្ទាំងគំនូរនាពេលកន្លងមក។

ផ្ទាំងគំនូរ Salvator Mundi

ការប៉ាន់ស្មានដំបូងសម្រាប់តម្លៃរបស់គំនូរមួយផ្ទាំងនេះ ប្រមាណតែ ១០០លានដុល្លារប៉ុណ្ណោះ ប៉ុន្តែក្រោយពីដេញថ្លៃរយៈពេល២០នាទី នៅក្រុមហ៊ុន Christie's តាមទូរសព្ទ តម្លៃវាបានហក់ឡើងខ្ពស់នឹកស្មានមិនដល់។ តម្លៃ ៤៥០លានដុល្លាររបស់គំនូរ "Salvator Mundi" បានឆក់យកតំណែងលក់បានថ្លៃជាងគេពីផ្ទាំងគំនូរ "Les Femmes d'Alger," របស់អតីតវិចិត្រករលោក Picasso ដែលលក់បាន ១៧៩,៤លានដុល្លារ នៅឆ្នាំ២០១៥។

ផ្ទាំងគំនូរ Les Femmes d'Alger

"Salvator Mundi" ជារូបគំនូរដែលគូរនៅឆ្នាំ១៤៩០ មានទំហំ ៤៥ស.ម x ៦៦ស.ម បង្ហាញពីរូបព្រះយេស៊ូ ស្លៀករ៉ូបពណ៌ខៀវ ហើយកំពុងកាន់គ្រីស្ដាល់មូលមួយគ្រាប់ ដែលតំណាងឲ្យពិភពលោក៕