នាយករដ្ឋមន្រ្ដី ប្រកាសគាំទ្រសេចក្ដីសម្រេចរបស់តុលាការកំពូល

2017-11-16 12:10:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រោយតុលាការកំពូល ប្រកាសរំលាយគណបក្សសង្រ្គោះជាតិ នាល្ងាចថ្ងៃទី១៦ ខែវិច្ឆិកានេះ សម្ដេច ហ៊ុន សែន នាយករដ្ឋមន្រ្ដីកម្ពុជា បានចេញថ្លែងសារតាមកញ្ចក់ទូរទស្សន៍ក្នុងស្រុកគ្រប់ប៉ុស្តិ៍ ដើម្បីបញ្ជាក់ពីការរំលាយគណបក្សប្រឆាំងមួយនេះ។

សម្ដេចហ៊ុន សែន ថ្លែងនាពេលកន្លងមក

សម្ដេច ហ៊ុន សែន បានថ្លែងគាំទ្រចំពោះសេចក្ដីសម្រេចរបស់តុលាការកំពូលនេះ ព្រមទាំងបានអំពាវនាវឲ្យមេឃុំ ចៅសង្កាត់ ជំទប់ ក្រុមប្រឹក្សាឃុំសង្កាត់ ក្រុងស្រុកខណ្ឌ ខណ្ឌ រាជធានី របស់គណបក្សសង្រ្គោះជាតិ ឲ្យចូលរួមជាមួយគណបក្សប្រជាជនកម្ពុជាផងដែរ។

គួរបញ្ជាក់ផងដែរថា តុលាការកំពូលបានសម្រេចរំលាយគណបក្សសង្គ្រោះជាតិ និងផ្អាកសកម្មភាពនយោបាយថ្នាក់ដឹកនាំគណបក្សសង្គ្រោះជាតិ ចំនួន១១៨រូប រយៈពេល ៥ឆ្នាំ នាថ្ងៃទី១៦ ខែវិច្ឆិកានេះ បន្ទាប់ពីទទួលពាក្យបណ្ដឹងពីក្រសួងមហាផ្ទៃ ដែលបានប្តឹងរំលាយគណបក្សសង្គ្រោះជាតិ ពីបទពាក់ព័ន្ធករណីរៀបចំផែនការឃុបឃិតជាសម្ងាត់ជាមួយបរទេស ក្នុងការផ្តួលរំលំរាជរដ្ឋាភិបាលស្របច្បាប់៕

ចុចអាន៖ តុលាការកំពូល សម្រេចរំលាយគណបក្សសង្គ្រោះជាតិ និងផ្អាកសកម្មភាពនយោបាយថ្នាក់ដឹកនាំបក្ស ១១៨រូប