CPP ទទួលបានអាសនៈក្រុមប្រឹក្សារាជធានីខេត្ត ក្រុងស្រុកខណ្ឌ ច្រើនលើសលប់

2017-12-01 10:11:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គណៈកម្មាធិការជាតិរៀបចំការបោះឆ្នោត (គ.ជ.ប) បានប្រកាសនៅថ្ងៃទី១ ខែធ្នូ ឆ្នាំ២០១៧ថា អាសនៈរបស់គណបក្សសង្គ្រោះជាតិ នៅថ្នាក់ក្រុមប្រឹក្សារាជធានីខេត្ត និងក្រុមប្រឹក្សាក្រុងស្រុកខណ្ឌ បានទៅលើគណបក្សប្រជាជនកម្ពុជាច្រើនជាងគេ។ ចំណែកនៅសល់ប៉ុន្មានទៀត បានទៅលើគណបក្សហ៊្វុនស៊ិនប៉ិច។

សម្តេច ហ៊ុន សែន ប្រធានគណបក្សប្រជាជនកម្ពុជា ដឹកនាំក្បួនឃោសនារកសំឡេងឆ្នោត នៃការបោះឆ្នោតជ្រើសរើសក្រុមប្រឹក្សាឃុំសង្កាត់ឆ្នាំ២០១៧

សេចក្តីសម្រេចចុះហត្ថលេខាដោយលោក ស៊ិក ប៊ុនហុក ប្រធាន គ.ជ.ប បង្ហាញថា អាសនៈនៅទំនេរ នៅក្រុមប្រឹក្សាក្រុង ក្រុមប្រឹក្សាស្រុក ក្រុមប្រឹក្សាខណ្ឌ សរុបចំនួន ៦៧៩ អាសនៈ ត្រូវបានបែងចែកឲ្យទៅគណបក្សប្រជាជនកម្ពុជា ចំនួន ៦៣៩អាសនៈ និងគណបក្សហ៊្វុនស៊ិនប៉ិច ៤០ អាសនៈ។

ដោយឡែក អាសនៈដែលនៅទំនេរនៃក្រុមប្រឹក្សារាជធានីខេត្ត ចំនួន ៨៦អាសនៈ ត្រូវបាន គ.ជ.ប សម្រេចបែងចែកឲ្យគណបក្សប្រជាជនកម្ពុជា ៧៨អាសនៈ និងគណបក្សហ៊្វុនស៊ិនប៉ិច ចំនួន ៨អាសនៈ។

សម្តេចក្រុមព្រះនរោត្តម រណឬទ្ធិ ព្រះប្រធានគណបក្សហ៊្វុនស៊ិនប៉ិច និងអ្នកគាំទ្រ

គួរបញ្ជាក់ថា គ.ជ.ប សម្រេចបែងចែកអាសនៈដែលនៅទំនេរ នៅក្រុមប្រឹក្សារាជធានីខេត្ត និងក្រុមប្រឹក្សាស្រុកក្រុងខណ្ឌ ទៅឲ្យគណបក្សប្រជាជនកម្ពុជា និងគណបក្សហ៊្វុនស៊ិនប៉ិច នាពេលនេះ បានធ្វើឡើង បន្ទាប់ពីគណបក្សសង្គ្រោះជាតិ ត្រូវបានតុលាការកំពូល ម្រេចរំលាយ កាលពីថ្ងៃទី១៦ ខែវិច្ឆិកា ឆ្នាំ២០១៧៕

អត្ថបទ៖ លីហៀង