ធារី ចន្ថាប៊ីន ជាកីឡាករចុងក្រោយសម្រាប់បំពេញកូតាកីឡាករបរទេសរបស់ Terengganu FC

2017-12-06 06:01:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បន្ទាប់ពីត្រូវបានឡើងទៅចូលរួមលីគកំពូលម៉ាឡេស៊ីសាជាថ្មី ក្លឹបបាល់ទាត់ Terrengganu FC បានចាប់ផ្ដើមយុទ្ធនាការរបស់ខ្លួន ក្នុងការទិញបញ្ចូលកីឡាករ ដើម្បីបំពេញកូតាកីឡាករបរទេស ដែលបានកំណត់ដោយអ្នករៀបចំការប្រកួតនៅប្រទេសម៉ាឡេស៊ី។

តាមរយៈកូតានេះ ក្លឹបនិមួយៗ អាចទិញចូលកីឡាករបរទេសបានចំនួន ៥រូប។ ក្នុងនោះ យ៉ាងហោចណាស់ត្រូវមាន កីឡាករអាស៊ីម្នាក់ និងអាស៊ានម្នាក់ផងដែរ។

ធារី ចន្ថាប៊ីន និង Kim Hyun Woo

ដើម្បីពង្រឹងក្រុមនារដូវកាល ២០១៨ ខាងមុខ ក្លឹបដែលមានរហស្សនាមថា "អណ្ដើក" មកទល់ពេលនេះ បាននាំចូលកីឡាករបរទេសចំនួន ៥រូបហើយ រួមទាំង ធារី ចន្ថាប៊ីន របស់កម្ពុជាផងដែរ។ ចំណែកកីឡាករ ៤រូបផ្សេងទៀតរួមមាន៖

ខ្សែប្រយុទ្ធ Kim Hyun Woo សញ្ជាតិកូរ៉េខាងត្បូង ដែលផ្ទេរពីក្លឹបភ្នំពេញក្រោន
ខ្សែប្រយុទ្ធ Tchetche Kipre សញ្ជាតិកូឌីវ័រ
ខ្សែប្រយុទ្ធ Lee Andrew Tuck សញ្ជាតិអង់គ្លេស
និងខ្សែការពារ Igor Zonjic សញ្ជាតិស៊ែប

កីឡាករទាំង ៥រូប តែត្រូវចូលរួមជាមួយក្លឹប Terengganu FC

សូមរំឭកថា ខ្សែបម្រើវ័យ ២៦ឆ្នាំ ធារី ចន្ថាប៊ីន បានសម្រេចចិត្តចុះកុងត្រារយៈពេល១ឆ្នាំជាមួយ Terengganu FC ហើយរូបគេរំពឹងថា នឹងអាចជួយពង្រឹងសមត្ថភាពបន្ថែមទៀត ព្រមទាំងជួយក្រុមនេះបន្តស្ថិតនៅលីគកំពូលម៉ាឡេស៊ី នារដូវកាលក្រោយៗទៀតផងដែរ៕

អត្ថបទពាក់ព័ន្ធ

អត្ថបទ៖ លាភ.