ក្រសួងព័ត៌មាន នឹងចាប់បង្ខំឲ្យអង្គភាពសារព័ត៌មានទាំងអស់ ចុះបញ្ជី និងបង់ពន្ធ
- 2017-12-15 06:07:39
- ចំនួនមតិ 0 | ចំនួនចែករំលែក 0
ក្រសួងព័ត៌មាន នឹងចាប់បង្ខំឲ្យអង្គភាពសារព័ត៌មានទាំងអស់ ចុះបញ្ជី និងបង់ពន្ធ
ចន្លោះមិនឃើញ
ក្នុងសិក្ខាសាលាពិគ្រោះយោបល់ ស្តីពី "សន្តិភាព សុវត្ថិភាពប្រព័ន្ធផ្សព្វផ្សាយនៅកម្ពុជា” នាព្រឹកថ្ងៃទី១៥ ខែធ្នូ ឆ្នាំ២០១៧ នៅភោជនីយដ្ឋានទន្លេបាសាក់២ ក្នុងរាជធានីភ្នំពេញ លោក ផុស សុវណ្ណ អគ្គនាយកនៃអគ្គនាយកដ្ឋានព័ត៌មាន និងសោតទស្សន៍ នៃក្រសួងព័ត៌មាន បានថ្លែងថា នៅឆ្នាំ២០១៨ ក្រសួងព័ត៌មាន នឹងចាប់បង្ខំឲ្យបណ្តាញអង្គភាពសារព័ត៌មានទាំងអស់ ពិសេសវិបសាយ និង TV online ក្នុងប្រទេសទាំងអស់ មកចុះបញ្ជីនៅក្រសួងព័ត៌មាន និងបង់ពន្ធឲ្យបានត្រឹមត្រូវ។
លោក ផុស សុវណ្ណ បញ្ជាក់ថា កន្លងមកមានអង្គភាពសារព័ត៌មានតិចតួចណាស់ ដែលបានចូលរួមបង់ពន្ធស្របតាមច្បាប់ពន្ធដារ។ រីឯអង្គភាពសារព័ត៌មានមួយចំនួនទៀត មិនបានចុះបញ្ជីត្រឹមត្រូវនៅក្រសួងព័ត៌មាននោះទេ៕