ថ្ងៃអនាគត Apple Watch នឹងអាចត្រួតពិនិត្យជាតិស្ករបាន
- 2017-12-29 09:36:39
- ចំនួនមតិ 0 | ចំនួនចែករំលែក 0
ថ្ងៃអនាគត Apple Watch នឹងអាចត្រួតពិនិត្យជាតិស្ករបាន
ចន្លោះមិនឃើញ
កន្លងមកមានការចេញផ្សាយថា Apple កំពុងផលិតប្រព័ន្ធត្រួតពិនិត្យជាតិស្ករក្នុងឈាមដោយប្រើប្រាស់ Apple Watch។ ប៉ុន្តែតាមការចេញផ្សាយថ្មីៗនេះឲ្យដឹងថា មុខងារនេះនឹងមិនមានប្រើក្នុងពេលឆាប់ៗនោះទេ។
សារព័ត៌មាន The New York Times បានសរសេរថា Apple បន្តសិក្សាលើប្រព័ន្ធត្រួតពិនិត្យជាតិស្ករ ប៉ុន្តែបច្ចេកវិទ្យានេះត្រូវការពេលជាច្រើនឆ្នាំទៀត។ ដំណឹងនេះបានចេញផ្សាយប៉ុន្មានខែបន្ទាប់ពី សារព័ត៌មាន CBNC បានផ្សាយថា Apple មានក្រុមអ្នកជំនាញផលិត Sensor សម្រាប់ Apple Watch ដែលអាចតាមដានកម្រិតជាតិស្ករក្នុងឈាមបានពេញមួយថ្ងៃ។
Apple Watch នាពេលបច្ចុប្បន្ននេះបានផ្ដល់ផលប្រយោជន៍ជាច្រើនដល់ជីវិតប្រចាំថ្ងៃរបស់មនុស្ស ដូចជាតាមដានចង្វាក់បេះដូង, ត្រួតពិនិត្យលើទិន្នន័យទាក់ទងនឹងការហាត់ប្រាណ, ការដើរ និងការដកដង្ហើមផងដែរ៕