អត្ថន័យ «កងចក្រ» និម្មិតសញ្ញាខេត្តស្ទឹងត្រែង ដែលមនុស្សភាគច្រើនកម្របានដឹង

2017-12-31 03:41:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ពេលឈានដល់ទីរួមខេត្តស្ទឹងត្រែង លោកអ្នកប្រាកដជាបានឃើញយ៉ាងច្បាស់អំពីរូបចម្លាក់ «កងចក្រ» ដែលជានិម្មិតរូបប្រចាំខេត្តស្ទឹងត្រែង។ ប្រិយមិត្តមួយចំនួន ប្រហែលជាបានដឹងពីអត្ថន័យនៃរូបនេះហើយ ប៉ុន្តែជឿជាក់ថា នៅមានប្រិយមិត្តជាច្រើនទៀត ដែលមិនបានដឹងពីអត្ថន័យរបស់វា។

រូបកងចក្រ តំណាងឲ្យខេត្តស្ទឹងត្រែង

តាមការឲ្យដឹងពីលោក អ៊ន់ ប៉ោសឿន ប្រធានមន្ទីរទេសចរណ៍ខេត្តស្ទឹងត្រែង បានប្រាប់ឲ្យដឹងថា និម្មិតសញ្ញា «កងចក្រ» នេះ មានអត្ថន័យគ្រប់គ្រាន់សម្រាប់តំណាងឲ្យខេត្តដ៏មានសក្ដានុពលផ្នែកទេសចរណ៍មួយនេះ។ នៅជុំវិញ «កងចក្រ» មានចក្រទាំងអស់ចំនួន១៧ ដែលតំណាងឲ្យជនជាតិទាំងអស់ចំនួន១៧ ដែលរស់នៅក្នុងខេត្តស្ទឹងត្រែង។ ទាំងជនជាតិខ្មែរ និងជនជាតិខ្មែរភាគតិចជាច្រើនទៀត សរុបទាំងអស់មាន១៧ ដូច្នេះហើយទើបបានជាគេធ្វើកងចក្រនេះឡើងដើម្បីតំណាងឲ្យខេត្តស្ទឹងត្រែង។

លោក អ៊ន់ ប៉ោសឿន ប្រធានមន្ទីរទេសចរណ៍ខេត្តស្ទឹងត្រែង (រូបភាព ខែធ្នូ ឆ្នាំ២០១៦)

ស្ទឹងត្រែងជាខេត្តមួយដែលសម្បូរទៅដោយសម្បត្តិទេសចរណ៍ធម្មជាតិ និងវប្បធម៌ប្រពៃណីជនជាតិភាគតិច។ ខេត្តនេះមានទន្លេពីរប្រសព្វគ្នាគឺទន្លេមេគង្គ និងទន្លេសេកុងដែលបានក្លាយជាទន្លេមុខបួន ប្រៀបដូចជាទន្លេចតុមុខនៅរាជធានីភ្នំពេញដែរ។ ស្ទឹងត្រែងសម្បូរទៅដោយតំបន់ទេសចរណ៍លក្ខណៈធម្មជាតិ និងតាមរដូវកាល៕

អត្ថបទ៖ ជាន ចាន់រ៉ា