ពូជស្វា ដែលមានលក្ខណៈជីវៈស្រដៀងនឹងមនុស្ស ត្រូវបង្កាត់ដោយជោគជ័យ

2018-01-29 03:41:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមអ្នកស្រាវជ្រាវចិន បានធ្វើការបង្កាត់ពូជ (Clone) ស្វាថ្មីម្យ៉ាង ដោយជោគជ័យ បន្ទាប់ប្រើប្រាស់រយៈពេលជាង ២០ឆ្នាំ ក្នុងការដំណើរការ Clone ឈ្មោះ “Dolly the sheep" ។ ពូជស្វាថ្មីនេះ មានចំនួន ២ក្បាល ដែលត្រូវបានបង្កាត់តាមលក្ខណៈពិសេស ដោយមានសន្ដានជិតមនុស្សបំផុត ដើម្បីធ្វើការពិសោធន៍ជំងឺដែលកើតមានចំពោះមនុស្ស។

ការប្រកាសពីភាពជោគជ័យនៃការបង្កាត់ពូជស្វាខាងលើ ធ្វើឡើងកាលពីថ្ងៃព្រហស្បតិ៍ សប្ដាហ៍មុន ដោយបណ្ឌិត្យសភាវិទ្យាសាស្ត្រចិន។

លោក Darren Griffin សាស្ត្រាចារ្យផ្នែកហ្ស៊ែននៅសាកលវិទ្យាល័យ Kent ប្រទេសអង់គ្លេស បានឲ្យដឹងថា ការបង្កាត់ពូជស្វាខាងលើ មានការលំបាកជាងការបង្កាត់សត្វឆ្កែ ឆ្មា ជ្រូក ឬ សេះ ទៅទៀត។

ស្វាទាំងពីរក្បាល ដែលមានឈ្មោះថា Zhong Zhong និង Hua Hua គឺជារួមបញ្ចូលគ្នានៃកោសិកាផ្សេងៗ ដើម្បីជាម៉ូដែលសម្រាប់ការស្រាវជ្រាវលើផ្នែកជីវវិទ្យា និងការបម្រែបម្រួលនៃជំងឺរបស់មនុស្ស និងវិធីសាស្ត្រក្នុងការព្យាបាល៕