ស៊ន សៀវម៉ី អាចជាសះស្បើយទាន់ការប្រកួតនៅ Malaysia Open
- 2018-02-08 03:33:02
- ចំនួនមតិ 0 | ចំនួនចែករំលែក 0
ស៊ន សៀវម៉ី អាចជាសះស្បើយទាន់ការប្រកួតនៅ Malaysia Open
ចន្លោះមិនឃើញ
កីឡាការិនីតេក្វាន់ដូ ស៊ន សៀវម៉ី គ្រោងចូលរួមហ្វឹកហាត់វិញ ក្នុងរយៈ ២ ទៅ ៣ សប្ដាហ៍ទៀត ដែលអាចជាសះស្បើយទាន់ពេលចូលរួមប្រកួតព្រឹត្តិការណ៍កីឡាតេក្វាន់ដូ Malaysian Open នៅប្រទេសម៉ាឡេស៊ី នាខែមីនា ខាងមុខ។ នេះជាការឲ្យដឹងរបស់គណៈកម្មាធិការជាតិអូឡាំពិកកម្ពុជា (NOCC) កាលពីថ្ងៃទី៧ ខែកុម្ភៈ ឆ្នាំ២០១៨។
ប្រភពដដែលបន្តថា ម្ចាស់មេដាយមាសតេក្វាន់ដូនៅស៊ីហ្គេម២០១៧ ត្រូវបានវះកាត់ជង្គង់នៅកូរ៉េ កាលពីប៉ុន្មានខែកន្លងទៅ។ ក្រៅពីចូលរួមប្រកួតនៅ Malaysia Open សៀវម៉ី នឹងចូលរួមកម្មវិធីប្រកួត មួយទៀតនៅប្រទេសវៀតណាម នាខែខាងមុខ។
សូមជម្រាបថា ស្នាដៃរបស់ ស៊ន សៀវម៉ី មួយរយៈចុងក្រោយ គឺបង្កើតកំណត់ត្រាថ្មីសម្រាប់កម្ពុជាពេលឈ្នះមេដាយមាសកីឡាអាស៊ី ឆ្នាំ ២០១៤ ជាប់វគ្គជម្រុះទៅប្រកួតកីឡាអូឡាំពិក និង ឈ្នះមេដាយមាសនៅកីឡាស៊ីហ្គេម ឆ្នាំ២០១៧៕