ស្ពានឆ្លងកាត់ទន្លេមេគង្គថ្មី ភ្ជាប់ខេត្ត២ ត្រូវបានបើកការដ្ឋានជាផ្លូវការនៅថ្ងៃនេះ

2018-02-09 01:18:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅថ្ងៃទី៩ ខែកុម្ភៈ ឆ្នាំ២០១៨នេះ ស្ពានឆ្លងទន្លេមេគង្គថ្មីដែលតភ្ជាប់គ្នារវាងខេត្តកំពង់ចាម និងខេត្តត្បូងឃ្មុំ ត្រូវបានបើកការដ្ឋានសាងសង់ជាផ្លូវការ ក្រោមអធិបតីភាពសម្តេចនាយករដ្ឋមន្រ្តី ហ៊ុន សែន។

រូបគំរូស្ពានស្ទឹងត្រង់-ក្រូចឆ្មារ (រូបថត៖ ហ្វេសប៊ុកសម្តេច ហ៊ុន សែន)

គម្រោងសាងសង់ស្ពាននេះ នឹងចាប់ផ្តើមពីត្រើយខាងលិចស្ថិតនៅត្រង់ចំណុចភូមិបឹងដែង ឃុំព្រែកកក់ ស្រុកស្ទឹងត្រង់ ខេត្តកំពង់ចាម ឆ្លងកាត់ទន្លេមេគង្គ ទៅត្រើយខាងកើត ស្ថិតនៅភូមិក្តុលលើ ឃុំទ្រា ស្រុកក្រូចឆ្មារ ខេត្តត្បូងឃ្មុំ។ ស្ពាននេះមានប្រវែងសរុប ១១៣១ម៉ែត្រ និងទទឹង ១៣,៥០ម៉ែត្រ ជាប្រភេទស្ពានបេតុងសរសៃដែក។ ការសាងសង់គ្រោងនឹងបញ្ចប់នៅឆ្នាំ២០២១។

ការដ្ឋានសាងសង់ស្ពានស្ទឹងត្រង់-ក្រូចឆ្មារ (រូបថត៖ ហ្វេសប៊ុកសម្តេច ហ៊ុន សែន)

គម្រោងសាងសង់ស្ពាននេះ គ្រោងចំណាយថវិកាសរុបជិត ៥៧លានដុល្លារ ដែលជាហិរញ្ញប្បទានសម្បទានពីរដ្ឋាភិបាលចិន រួមជាមួយថវិកាបដិភាគរបស់រាជរដ្ឋាភិបាលកម្ពុជា សម្រាប់ដោះស្រាយផលប៉ះពាល់ និងបោសសម្អាតយុទ្ធភ័ណ្ឌមិនទាន់ផ្ទុះ។

ទន្លេមេគង្គ ខណ្ឌចែករវាងស្រុកស្ទឹងត្រង់ និងស្រុកក្រូចឆ្មារ (រូបថត៖ ហ្វេសប៊ុកសម្តេច ហ៊ុន សែន)

សូមជម្រាបដែរថា បច្ចុប្បន្ន ខេត្តកំពង់ចាម មានស្ពានធំៗចំនួន២ ឆ្លងកាត់ទន្លេមេគង្គ គឺស្ពាន "គីហ្ស៊ូណា" ដែលជាជំនួយរបស់ជប៉ុន និងស្ពាន "កោះមិត្ត" ឬហៅថាស្ពាន "កោះប៉ែន" ដែលចំណាយថវិការបស់ជាតិ៕