តុលាការកំពូលអេស្ប៉ាញ បញ្ជាឲ្យចាប់ខ្លួនអតីតតំណាងរាស្ត្រតំបន់ Catalan

2018-02-22 03:38:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តុលាការកំពូលអេស្ប៉ាញ បានចេញបញ្ជាឲ្យចាប់ខ្លួនអតីតតំណាងរាស្ត្រតំបន់ Catalan គឺលោកស្រី Anna Gabrial បន្ទាប់ពីលោកស្រីមិនចូលចូលខ្លួនឆ្លើយបំភ្លឺនៅតុលាការ កាលពីថ្ងៃទី២១ ខែកុម្ភៈ ម្សិលមិញ ពាក់ព័ន្ធនឹងការប្រកាសឯករាជ្យនៅតំបន់នេះ។

លោកស្រី Anna Gabrial អតីតតំណាងរាស្ត្រតំបន់ Catalan

លោកស្រី Anna Gabrial ត្រូវបានតុលាការកំពូលចោទប្រកាន់លើករណី បង្កឲ្យមានការបះបោរដោយការប្រកាសឯករាជ្យដោយខុសច្បាប់ និងការប្រកាសឯករាជ្យដោយខុសច្បាប់ កាលពីឆ្នាំ២០១៧ កន្លងទៅ។

ចំណែកលោកស្រី Anna Gabrial ដែលកំពុងស្នាក់នៅប្រទេសស្វីស បានថ្លែងថា លោកស្រីមិនអាចទៅក្រុង Madrid ដើម្បីចូលឆ្លើយបំភ្លឺចំពោះការចោទប្រកាន់នោះទេ ដោយសារលោកស្រីមិនជឿជាក់លើតុលាការ។

មកដល់ពេលនេះ តុលាការមិនទាន់ចេញដីកាចាប់ខ្លួនជាអន្តរជាតិនៅឡើយទេ ប៉ុន្តែចៅក្រមរដ្ឋអេស្ប៉ាញបញ្ជាក់ថា នឹងមានការស្នើទៅព្រះរាជអាជ្ញា ដើម្បីឲ្យអន្តរជាតិធ្វើការឃាត់ខ្លួនលោកស្រី Anna Gabrial៕