NOCC ទើបមាន៤០ម៉ឺនដុល្លារប៉ុណ្ណោះលើគម្រោង៧០ម៉ឺនដុល្លារសម្រាប់ពិធីបើក-បិទកីឡាជាតិ

2018-03-01 04:32:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជា (NOCC) បានបញ្ជាក់ថា ការរៀបចំពិធីបើក និងបិទ ព្រឹត្តិការណ៍កីឡាជាតិលើកទី២ ឆ្នាំនេះ ត្រូវចំណាយថវិកាកើនឡើងជិត ២ដង ធៀបនឹងព្រឹត្តិការណ៍កីឡាជាតិលើកទី១ ដោយគ្រោងចំណាយ ៧០ម៉ឺនដុល្លារអាមេរិក។ ក៏ប៉ុន្តែមកទល់ពេលនេះ NOCC ទើបរកបានប្រភពចំណូលពីអ្នកឧបត្ថម្ភនានា ចំនួន ៤០ម៉ឺនដុល្លារប៉ុណ្ណោះ។

កីឡាជាតិលើកទី១

ការអះអាងរបស់លោក វ៉ាត់ ចំរើន បានធ្វើឡើងក្នុងកិច្ចពិភាក្សាជាមួយភាគីពាក់ព័ន្ធនានា កាលពីថ្ងៃទី២៧ ខែកុម្ភៈ ដើម្បីរៀបចំកម្មវិធីបើក និងបិទកីឡាជាតិ ឆ្នាំ២០១៨ ឲ្យកាន់តែទាក់ទាញ។

ចំពោះការរៀបចំពិធីបើក និងបិទនេះ នឹងមានការចូលរួមសម្ដែងរបស់ក្រុមកីឡា ក្រុមសិល្បៈ និងក្រុមយុវជនផ្សេងៗ ដែលមានចំនួនប្រមាណជា ៥ពាន់នាក់ រួមទាំងការសម្ដែងបច្ចេកវិទ្យាភ្លើងពណ៌ និងការបាញ់កាំជ្រួចជាដើម។

ព្រឹត្តិការណ៍កីឡាជាតិ លើកទី២ គ្រោងនឹងចំណាយប្រមាណជា ៦ពាន់លានរៀល ឬ ជិត២ដង នៃការចំណាយក្នុងព្រឹត្តិការណ៍លើកទី១ ដោយសារតែការបង្កើនប្រភេទកីឡាកាន់តែច្រើន និងវិញ្ញាសាច្រើនទ្វេដង។

លោក វ៉ាត់ ចំរើន

សូមបញ្ជាក់ថា សូមបញ្ជាក់ថា គម្រោងថវិកាចំណាយចំនួន ៦០០០លានរៀលនេះ សម្រាប់ការរៀបចំទូទៅ និងប្រាក់រង្វាន់ជយលាភី មិនរាប់បញ្ចូលនឹងទឹកប្រាក់ប្រមាណ ៧០ម៉ឺនដុល្លារសម្រាប់ពិធីបើក និងបិទឡើយ។ សម្រាប់ម្ចាស់មេដាយមាស នឹងទទួលបានប្រាក់រង្វាន់រហូតដល់ ៨០ម៉ឺនរៀល សម្រាប់វិញ្ញាសាឯកត្តជន។

ព្រឹត្តិការណ៍កីឡាជាតិ លើកទី២ ឆ្នាំ២០១៨នេះនឹងធ្វើឡើង នាថ្ងៃទី២៥ ឧសភា ដល់ថ្ងៃទី៥ មិថុនា ខាងមុខ ដែលមានរយៈពេល ១២ថ្ងៃ៕

ចុចអានបន្ត ព្រឹត្តិការណ៍កីឡាជាតិឆ្នាំនេះ កើនទាំងចំនួនប្រភេទកីឡា និង ប្រាក់រង្វាន់

ប្រភព៖ AKP ប្រែសម្រួល៖ លាភ.