Mi Mix 2s ផ្លាស់ប្ដូរទីតាំងកាមេរ៉ាថ្មី ដើម្បីលាតអេក្រង់ឲ្យពេញជាងមុន

2018-03-09 02:35:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ទោះមិនទាន់ដល់ថ្ងៃប្រកាសជាផ្លូវការនៅឡើយ លក្ខណៈសម្បត្តិរបស់ Xiaomi Mi Mix 2s ត្រូវបានបែកធ្លាយជាច្រើនហូរហែមកហើយ។ តួយ៉ាងដូចកាលពីពេលថ្មីៗនេះ មានវីដេអូបែកធ្លាយមួយចំនួនបានបង្ហាញពីរូបរាងយ៉ាងច្បាស់ក្រឡែតរបស់ Mi Mix 2s។

ក្នុងវីដេអូ គេសង្កេតឃើញ កាមេរ៉ាមុខត្រូវបានប្ដូរពីផ្នែកខាងក្រោម (Mi Mix 2) មកដាក់នៅដុំតូចមួយនៅផ្នែកខាងស្ដាំលើបង្អស់នៃផ្ទៃអេក្រង់។ កន្លែងផ្ទុកកាមេរ៉ាមុខនេះមានទំហំមិនសូវធំនោះទេ ដូច្នេះហើយគេរំពឹងថា វានឹងមិនបង្កឲ្យអ្នកប្រើប្រាស់មានអារម្មណ៍ទើសទាល់ខ្លាំងឡើយ។ ការផ្លាស់ប្ដូរទីតាំងកាមេរ៉ាមុខអាចជាវិធីសាស្ត្រថ្មីរបស់ Xiaomi ដើម្បីពង្រីកផ្ទៃអេក្រង់ឲ្យលាតសន្ធឹងច្រើនជាងជំនាន់ៗទៅទៀត។

ចំពោះលក្ខណៈសម្បត្តិបែកធ្លាយនាពេលកន្លងមក រួមមាន ការបំពាក់ឈីប Snapdragon 845, RAM 8GB, អេក្រង់ ៥,៩៩អ៊ីញ, ទំហំផ្ទុកទិន្នន័យ 256GB និងកាមេរ៉ាក្រោយ២គ្រាប់ទំហំ 12MP ប្រភេទ Optical Zoom។

សូមបញ្ជាក់ថា កំពូលស្មាតហ្វូនជំនាន់ថ្មីនេះនឹងត្រូវដាក់ប្រកាសជាផ្លូវការនាថ្ងៃទី២៧ ខែមីនា ឆ្នាំ២០១៨៕