ពលរដ្ឋខ្មែរប្រមាណ ១ម៉ឺននាក់ ឆ្លងចូលថៃតាមច្រកប៉ោយប៉ែត ជារៀងរាល់ថ្ងៃ

2018-03-26 00:02:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្នុងមួយថ្ងៃៗ មានប្រជាពលរដ្ឋខ្មែរ ប្រមាណពី ៨ពាន់ទៅ១ម៉ឺននាក់ បានឆ្លងចូលប្រទេសថៃ តាមច្រកប៉ោយប៉ែត ។ នេះបើយោងតាមប្រធានគណៈកម្មាធិការច្រកទ្វារអន្តរជាតិប៉ោយប៉ែត។

លោក វួច អូន ប្រធានគណៈកម្មាធិការខាងលើ បានបញ្ជាក់ថា ភាគច្រើននៃប្រជាពលរដ្ឋខ្មែរទាំងនោះ គឺជាអាជីវករលក់ដូរនៅផ្សាររុងក្លឿ និងកម្មករអូសរទេះ។

លោកបន្ដថា អាជីវករ និងកម្មករអូសរទេះទាំងនោះ គឺចូលព្រឹក វិលល្ងាច ប៉ុន្តែក៏មានពលរដ្ឋមួយចំនួនតូចស្នាក់នៅក្នុងដីថៃផងដែរ ដោយសារពួកគេប្រើប្រាស់ប័ណ្ណព្រំដែនដែលមានសុពលភាព១សប្ដាហ៍ ។

លោក វួច អូន បានឲ្យដឹងទៀតថា ក្រោយពេលរាជរដ្ឋាភិបាលកម្ពុជាបានសម្រួលសំបុត្រឆ្លងដែនលក់ជូនប្រជាពលរដ្ឋ បានបង្កលក្ខណៈងាយស្រួលដល់ប្រជាពលរដ្ឋចេញ-ចូលដោយស្របច្បាប់ ដោយលក់ជូនក្នុង១នាក់តម្លៃតែ ១០០រៀលប៉ុណ្ណោះ។ លោកបន្ដថា ការចេញប័ណ្ណព្រំដែនដែលអនុញ្ញាតឲ្យពលរដ្ឋខ្មែរឆ្លងកាត់ប្រទេសថៃនេះ ពិតជាផ្ដល់ផលប្រយោជន៍ច្រើនដល់អាជីវករ និងកម្មករ ថែមទាំងផ្ដល់នូវចំណូលសម្រាប់ជាតិថែមទៀត ។

យោងតាមកិច្ចព្រមព្រៀងរវាងរាជរដ្ឋាភិបាលនៃប្រទេសទាំងពីរ កម្ពុជា-ថៃ កាលពីឆ្នាំ២០០៣បានកំណត់ថា ការចេញប័ណ្ណឆ្លងដែននេះ គឺសម្រាប់តែពលរដ្ឋនៅខេត្តបន្ទាយមានជ័យ និងខេត្តសៀមរាប ដែលអាចចេញចូលបានក្នុងរយៈពេល៧ថ្ងៃ សម្រាប់ខេត្តស្រះកែវ និងខេត្តប្រាជឹមបូរីរបស់ថៃ ហើយខាងពលរដ្ឋថៃក៏អនុវត្តដូចគ្នាដែរ ក្នុងការចូលមកប្រទេសកម្ពុជា ។ ប័ណ្ណនេះមានសុពលភាពរយៈពេល២ឆ្នាំ៕

អត្ថបទទាក់ទង៖

---> Sabay ត្រូវការរើស Accounting Manager ។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/AsCd4N

ប្រភព៖ រស្មីកម្ពុជា ប្រែសម្រួល៖ សុខ សុវត្ថិ