Klopp ថាចិត្តសាស្ត្រ Liverpool បច្ចុប្បន្ន ដូចចិត្តសាស្ត្ររបស់ Man Utd កាល២ទសវត្សរ៍មុន
- 2018-04-24 08:01:59
- ចំនួនមតិ 0 | ចំនួនចែករំលែក 0
Klopp ថាចិត្តសាស្ត្រ Liverpool បច្ចុប្បន្ន ដូចចិត្តសាស្ត្ររបស់ Man Utd កាល២ទសវត្សរ៍មុន
ចន្លោះមិនឃើញ
លោក Jurgen Klopp អ្នកចាត់ការក្លឹប Liverpool បានប្រៀបធៀបការលេងរបស់កូនក្រុម ទៅនឹងក្លឹប Manchester United ដែលដឹកនាំដោយលោក Sir Alex Ferguson កាលពីទសវត្សរ៍ ១៩៩០ និង ២០០០។ ការលើកឡើងរបស់ Klopp ចង់បង្ហាញថា ចិត្តសាស្ត្ររបស់ក្រុមហង្សក្រហមបច្ចុប្បន្ន និងចិត្តសាស្ត្ររបស់ក្រុមបិសាចក្រហមកាលគ្រានោះ គឺមិនខុសគ្នាឡើយ។
ជុំវិញរឿងនេះ លោក Klopp បានប្រៀបធៀបទៅនឹង Liverpool ដែលឆក់ឱកាសដើម្បីអាចរកគ្រាប់បាល់ ៣គ្រាប់ក្នុងត្រឹមតែ១៩នាទី នៃវគ្គទី១ នៅពេលជួបជាមួយ Manchester City កាលពីវគ្គ៨ក្រុមចុងក្រោយ។ អ្នកចាត់ការដដែល គ្រោងប្រើប្រាស់យុទ្ធសាស្ត្រដូចគ្នាពេលជួប Roma នៅជើងទី១ យប់នេះ។
«ក្រុម Man Utd របស់ Alex Ferguson មានអ្វីពិសេស? ហេតុអ្វីនៅពេលជាក់លាក់ណាមួយ ពួកគេតែងតែអាចរកបាន២គ្រាប់ផ្ទួន?... នេះជាឱកាសមួយ។ ពេលស៊ុតចូល១ហើយ យើងត្រូវធ្វើវាម្ដងទៀត។ ប្រើប្រាស់សន្ទុះក្នុងការប្រកួត។ ពួកយើងត្រូវចងចាំវា ហើយពួកយើងពិតជាចង់ប្រើប្រាស់វា ដើម្បីស្វែងរកគ្រាប់ស៊ុតបញ្ចូលទី»។ នេះជាសម្ដីរបស់ Klopp ។
សូមបញ្ជាក់ថា Liverpool នឹងស្វាគមន៍ Roma នៅកីឡដ្ឋាន Anfield នាវគ្គពាក់កណ្ដាលផ្តាច់ព្រ័ត្រ Champions League នៅយប់ឈានចូលថ្ងៃទី២៥ មេសា វេលាម៉ោង១:៤៥នាទី៕