លោក Sir Alex Ferguson ធ្លាក់ខ្លួនឈឺធ្ងន់ធ្ងរ ត្រូវចូលសង្គ្រោះបន្ទាន់ភ្លាមៗ

2018-05-06 01:34:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អតីតអ្នកចាត់អ្នកចាត់ក្លឹប Manchester United លោក Sir Alex Ferguson ត្រូវបាននាំយកចូលសង្គ្រោះបន្ទាន់នៅមន្ទីរពេទ្យ ដើម្បីធ្វើការវះកាត់ភ្លាមៗ ក្រោយពីលោកបានដួលនៅផ្ទះ ដោយសារមានឈាមកកក្នុងខួរក្បាល កាលពីថ្ងៃទី៥ ខែឧសភា ឆ្នាំ២០១៨។

លោក Sir Alex Ferguson លើកពាន Premier League កាលពីពេលកន្លងមក។ រូបថត៖ PA

សេចក្តីថ្លែងការណ៍របស់ក្លឹប Man Utd បានឱ្យដឹងថា លោកមានភាពល្អប្រសើរហើយ ប៉ុន្តែលោកត្រូវបានថែទាំយ៉ាងហ្មត់ចត់មួយរយៈទៀត ដើម្បីឱ្យជាសះស្បើយពីជំងឺ។

បច្ចុប្បន្នលោក Sir Alex Ferguson កំពុងសម្រាកព្យាបាលនៅមន្ទីរពេទ្យ Salford Royal ក្នុងក្រុង Salford ប្រទេសអង់គ្លេស។ ក្រុមគ្រួសាររបស់លោក បានស្នើសុំមិនបញ្ចេញស្ថានភាពជំងឺរបស់លោកជាសាធារណៈឡើយ ដោយសុំជាភាពឯកជន។

គួរបញ្ជាក់ថា លោក Sir Alex Ferguson គឺជាអ្នកចាត់ការក្លឹបដ៏ជោគជ័យ១រូបក្នុងលីគអង់គ្លេស ដោយបានជួយឱ្យ Man Utd ឈ្នះជើងឯក Premier League ១៣ដង Champions Leage ២ដង FA Cup ៥ដង និង League Cup ចំនួន៤ដងផងដែរ៕

ប្រភព៖ BBC ប្រែសម្រួល៖ សំភី