តើរោងចក្រនៅខេត្តស្វាយរៀងផលិត និងដំឡើងអ្វីខ្លះ?

2018-05-10 01:50:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បច្ចុប្បន្នខេត្តស្វាយរៀង មានរោងចក្រ សហគ្រាស គ្រឹះស្ថានសរុប១៦៥ និងផ្តល់ការងារជូនប្រជាពលរដ្ឋជិត ៦ម៉ឺននាក់។ បើតាមការបង្ហោះនៅលើទំព័រហ្វេសប៊ុកសម្តេច ហ៊ុន សែន នាព្រឹកនេះ ឱ្យដឹងថា រោងចក្រទាំងនេះមានសង្វាក់ផលិតកម្មដូចជា៖

រថយន្តដែលត្រូវបានដំឡើងនៅក្នុងរោងចក្ររបស់ក្រុមហ៊ុន DAEHAN AUTO (CAMBODIA) CO.,LTD នៅខេត្តស្វាយរៀង។ រូបថត៖ FB សម្តេច ហ៊ុន សែន

កាត់ដេរសម្លៀកបំពាក់, ផលិតស្បែកជើង, ដំឡើងកង់, ផលិតស្រោមដៃ, ផលិតខ្សែគ្រឿងបង្គុំអគ្គិសនី, ផលិតតួកង់, ផលិតស៊ុមរូបថត, ផលិតសម្ភារៈវេចខ្ចប់, ដំឡើងបង្អួច, ផលិតគ្រឿងបន្លាស់កង់, ផលិតស្ទីកគ័រ (sticker) រូបភាព, ខ្សែនាឡិកា, ផលិតម៉ែត្រ, ផលិតថ្នាំពណ៌លាបកង់, ផលិតគ្រឿងបន្លាស់នាឡិកាដៃ, ផលិតខ្សែនាឡិកា, ផលិតបារី, ផលិតវាំងននស្លាបព្រិល, ផលិតប៉ុងស្មាអាវ, ផលិតអំពូលអគ្គីសនី និងដំឡើងរថយន្តដឹកជញ្ជូនខ្នាតមធម្យជាដើម។

គួរបញ្ជាក់ថា ក្នុង១ឆ្នាំៗ ទឹកប្រាក់ចំនួនជាង ១២០លានដុល្លារ បានចាក់ចូលខេត្តស្វាយរៀង តាមរយៈប្រាក់ខែដែលកម្មករទទួលបានពីការងាររោងចក្រ៕

អត្ថបទ៖ សំភី