នាយករដ្ឋមន្រ្តីអេស្ប៉ាញ ចុះចេញពីតំណែង ដោយសាររឿងអាស្រូវពុករលួយ

2018-06-01 12:43:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នាយករដ្ឋមន្រ្តីអេស្ប៉ាញ លោក Mariano Rajoy ត្រូវបានបង្ខំឱ្យចុះចេញពីតំណែង បន្ទាប់ពីសភាបានបោះឆ្នោតដកសេចក្តីទុកចិត្តពីលោក ដោយសំឡេងភាគច្រើនដាច់ខាត នៅថ្ងៃទី១ ខែមិថុនា ឆ្នាំ២០១៨នេះ ជុំវិញរឿងអាស្រូវពុករលួយរបស់គណបក្សលោក គឺគណបក្សប្រជាជនអភិរក្ស។

លោក Mariano Rajoy ថ្លែងនៅក្នុងសភាអេស្ប៉ាញនាថ្ងៃទី១ ខែមិថុនា ឆ្នាំ២០១៨ (រូបថត៖ Reuters)

លោក Mariano Rajoy បានក្លាយជានាយករដ្ឋមន្រ្តីដំបូងគេ ដែលត្រូវចាកចេញពីតំណែង ដោយសារការបោះឆ្នោតដកសេចក្តីទុកចិត្តនេះ ចាប់តាំងពីអេស្ប៉ាញប្រកាន់យករបបប្រជាធិបតេយ្យនៅក្នុងឆ្នាំ១៩៧៧។

មេដឹកនាំគណបក្សប្រជាជនអភិរក្ស ដែលកាន់តំណែងនាយករដ្ឋមន្រ្តីតាំងពីឆ្នាំ២០១១រូបនេះ បានថ្លែងនៅចំពោះមុខសមាជិកសភាទាំងអស់ថា លោកព្រមទទួលយកការពិតនេះ និងអបអរសាទរចំពោះលោក Pedro Sanchez ដែលជាមេដឹកនាំគណបក្សសង្គមនិយម ក្នុងការទទួលតំណែងនាយករដ្ឋមន្រ្តីថ្មីនៃប្រទេសអេស្ប៉ាញ។

លោក Mariano Rajoy ចាប់ដៃអបអរលោក Pedro Sanchez ដែលទទួលបានតំណែងនាយករដ្ឋមន្រ្តីថ្មីនៃប្រទេសអេស្ប៉ាញ (រូបថត៖ EPA)

លោក Mariano Rajoy បញ្ជាក់ថា លោកមានកិត្តិយសណាស់ដែលបានធ្វើជានាយករដ្ឋមន្រ្តីអេស្ប៉ាញ ហើយលោករីករាយក្នុងការចាកចេញពីតំណែង ដើម្បីឱ្យប្រទេសនេះកាន់តែប្រសើរឡើង៕

ប្រភព៖ Aljazeera ប្រែសម្រួល៖ សំភី