កីឡាករព្រះខ័នរាជ ៧នាក់ និងទ័ព ២នាក់ ត្រូវសហព័ន្ធពិន័យ

2018-06-07 04:22:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅថ្ងៃទី៧ ខែមិថុនា ឆ្នាំ២០១៨នេះ គណៈកម្មការវិន័យ នៃសហព័ន្ធកីឡាបាល់ទាត់កម្ពុជាបានសម្រេចពិន័យកីឡាករ និងគ្រូបង្វឹកមួយចំនួន ក្នុងហេតុការណ៍ជម្លោះក្នុងការប្រកួតរវាងក្លឹបព្រះខ័នរាជស្វាយរៀង និងក្លឹបក្រសួងការពារជាតិ កាលពីថ្ងៃទី៣ ខែមិថុនា កន្លងទៅ។

សកម្មភាពជម្លោះ អំឡុងការប្រកួតរវាងក្លឹបព្រះខ័នរាជស្វាយរៀង ជាមួយ ក្រសួងការពារជាតិ (រូបភាពីក្នុងវីដេអូ)

**ក្លឹបក្រសួងការពារជាតិ**

ពិន័យកីឡាករ Song Chihoon មិនឲ្យចូលរួមប្រកួតលីគកំពូលកម្ពុជា យ៉ាងតិច ២ប្រកួត ដោយការពារមិត្តរួមក្រុមក្នុងជម្លោះវាយតប់លើទីលាន។
ពិន័យកីឡាករ Yudai Ogawa មិនឲ្យចូលរួមប្រកួតពានរង្វាន់លីគកំពូលកម្ពុជា យ៉ាងតិច ១ប្រកួត ដោយចូលរួមឃាត់ និងការពារមិត្តរួមក្រុមក្នុងជម្លោះ។
ពិន័យលោក ឡេង ណារិន មន្ត្រីរបស់ក្លឹបក្រសួងការពារជាតិ មិនឲ្យចូលរួមប្រកួតពានរង្វាន់លីគកំពូលកម្ពុជា យ៉ាងតិច ៣ខែ និងពិន័យជាប្រាក់ ៥០ម៉ឺនរៀល ពីបទចូលរួមក្នុងជម្លោះ។
ព្រមាន លោក ភា សុភក្ត្រា ដែលមិនគោរពការសម្រេចចិត្តរបស់គណៈកម្មាធិការសហព័ន្ធកីឡាបាល់ទាត់កម្ពុជា។

ក្លឹបព្រះខ័នរាជស្វាយរៀង

ពិន័យកីឡាករ សុក សំណាង, អាំ សុវណ្ណារ៉ាត់, សារ៉េត គ្រីយ៉ា, អោម ឧត្តម និង ហ៊ុយ ផល្លីន មិនឲ្យចូលរួមប្រកួតលីគកំពូលកម្ពុជា យ៉ាងតិច ៣ខែ និងពិន័យជាប្រាក់ ៥០ម៉ឺនរៀល ពីបទចូលរួមជម្លោះ។
ពិន័យកីឡាករ សឿយ វិសាល មិនឲ្យចូលរួមប្រកួតលីគកំពូលយ៉ាងតិច ៤ប្រកួត និងពិន័យជាប្រាក់ ៥០ម៉ឺនរៀល ពីបទវាយគូប្រកួត។
ពិន័យកីឡាករ នុប តុលា មិនឲ្យចូលរួមប្រកួតលីគកំពូលយ៉ាងតិច ២ប្រកួត និងពិន័យជាប្រាក់ ៥០ម៉ឺនរៀល ពីបទលេងទាំងកម្រោល។
ពិន័យលោក សួន ធួន មន្រ្តីក្លឹប មិនឲ្យចូលរួមលីគកំពូលកម្ពុជា យ៉ាងតិច ៣ខែ និងពិន័យជាប្រាក់ ៥០ម៉ឺនរៀល ពីបទចូលរួមជម្លោះ។
ពិន័យ ក្លឹបព្រះខ័នរាជស្វាយរៀង មិនឲ្យមានអ្នកចូលទស្សនាពេលក្លឹបធ្វើជាម្ចាស់ផ្ទះ ចំនួន ១ប្រកួត ដោយអសមត្ថភាពសន្តិសុខ និងការរៀបចំ៕