អ៊ីស្លង់ និង​នីហ្សេរីយ៉ា នឹងត្រូវ​ប៉ះ​គ្នា​ម៉ោង ១០យប់នេះ ក្នុង​ប្រកួត​ទី២ ពូល D នៃ FIFA World Cup។ អ៊ីស្លង់ នឹងកើន​ដល់ ៤ពិន្ទុ ប្រសិន​បើ​ឈ្នះ​នីហ្សេរីយ៉ា ចំណែក​នីហ្សេរីយ៉ា ត្រូវ​ការ​ឈ្នះ​ជា​ចាំបាច់ ឬ​យ៉ាង​ហោច​ណាស់​ស្មើ ដើម្បី​បន្ត​ដង្ហើម​ដល់​ប្រកួត​ចុងក្រោយ។ ក្នុង​ពូល D នេះ ក្រូអាត កំពុង​នាំមុខ​គេ ដោយមាន ៦ពិន្ទុ (ជាប់​ស្វ័យប្រវត្តិ) ខណៈ​អាហ្សង់ទីន មាន ១ពិន្ទុ។

តើ​អ៊ីស្លង់ អាច​រក​បាន ៣ពិន្ទុ​បន្ថែម ដើម្បី​វ៉ា​ដាច់​អាហ្សង់ទីន បាន​ដែរ​ឬទេ? តើ​នីហ្សេរីយ៉ា អាច​រក​ពិន្ទុ​ ដើម្បី​រក្សា​ក្ដី​សង្ឃឹម​ដល់​ប្រកួត​ចុងក្រោយ បាន​ឬយ៉ាងណា? [ខ្លីៗ] សូម​វិភាគ​ត្រួសៗ ជូន​ប្រិយមិត្ត ដូចខាងក្រោម

ជើងកីឡាករ​នៃ​ក្រុម​ទាំង២

• អ៊ីស្លង់ ៖ ក្រុម​ដែល​ទើប​ឡើង​មក​កាន់ World Cup ជាលើក​ដំបូង​មួយនេះ នឹង​ត្រូវ​អវត្តមាន​ខ្សែបម្រើ​ស្លាប វ័យ២៧ឆ្នាំ Johann Berg Gudmundsson របស់​ក្លឹប Burnley ដោយសារ​មាន​បញ្ហា​ឈឺសាច់ដុំ ពេល​ប៉ះ​អាហ្សង់ទីន ក្នុង​ប្រកួត​ដំបូង។

• នីហ្សេរីយ៉ា ៖ ក្រុម​ជើងខ្លាំង​អាហ្រ្វិក​មួយនេះ មិន​មាន​បញ្ហា​កីឡាករ​របួស ឬជាប់​បម្រាម​នោះទេ។ ​

ប្រវត្តិ​ជួបគ្នា

ក្រុម​ទាំង២ ធ្លាប់​ជួប​គ្នា​ម្ដង​ប៉ុណ្ណោះ ក្នុង​ជំនួប​មិត្តភាព កាលពីឆ្នាំ ១៩៨១ ដែល​ពេល​នោះ អ៊ីស្លង់​បាន​យក​ឈ្នះ នីហ្សេរីយ៉ា ៣-០។

លទ្ធផល​៥ប្រកួត​ចុងក្រោយ​នៃ​ក្រុមទាំង២

• អ៊ីស្លង់ ៖ ស្មើ ២ ចាញ់ ៣ (ប្រកួត​ចុងក្រោយ ស្មើ អាហ្សង់ទីន ១-១ ក្នុង​ពូល D នៃ FIFA World Cup 2018)

• នីហ្សេរីយ៉ា ៖ ស្មើ ១ ចាញ់ ៤ (ប្រកួត​ចុងក្រោយ ចាញ់ ក្រូអាត ២-០ ក្នុង​ពូល D នៃ FIFA World Cup 2018)

ជម្រើស ១១នាក់​ដំបូង ដែល​អាច​ចូលលេង

• អ៊ីស្លង់ ៖ Hannes Halldorsson; Birkir Saevarsson, Kari Arnason, Ragnar Sigurdsson, Hordor Magnusson; Emil Hallfredsson, Aron Gunnarsson; Gylfi Sigurdsson, Birkir Bjarnason, Rurik Gislason; Alfred Finnbogason

• នីហ្សេរីយ៉ា ៖ Francis Uzoho; Abdullahi Shehu, William Troost-Ekong, Leon Balogun, Brian Idowu; Wilfred Ndidi, John Obi Mikel, Oghenekaro Etebo; Victor Moses, Odion Ighalo, Alex Iwobi

ស្ថិតិ​មួយចំនួន​ដែលគួរ​ដឹង

• នីហ្សេរីយ៉ា ឈ្នះ​តែម្ដង​ប៉ុណ្ណោះ ក្នុង​ ១៣ប្រកួត​ចុងក្រោយ​នៅ World Cup (ស្មើ៣ ចាញ់៩)។ ជ័យជម្នះ​ម្ដង​នោះ គឺ​ឈ្នះបូស្នៀ កាល​ពី World Cup 2014។

• នីហ្សេរីយ៉ា បាន​ចាញ់​ក្នុង ៣ប្រកួត​ចុងក្រោយ​នៅ World Cup ដែល​ជា​កំណត់ត្រា​អាក្រក់​បំផុត គិត​ពី​ឆ្នាំ​២០០២ មក។

• ក្នុង ១១ប្រកួត​ចុងក្រោយ​នៅ World Cup មាន ៦ប្រកួត​ ដែល​នីហ្សេរីយ៉ា មិន​អាច​ស៊ុត​បញ្ចូលទី​គូប្រកួត

ទស្សនៈ​របស់ [ខ្លីៗ] ៖ អ៊ីស្លង់ ២-១ នីហ្សេរីយ៉ា