ប្រធានអាជ្ញាធរអាកាសចរណ៍ស៊ីវិលម៉ាឡេស៊ី លាលែងពីតំណែង ជុំវិញរឿង MH370
- 2018-07-31 06:59:04
- ចំនួនមតិ 0 | ចំនួនចែករំលែក 0
ប្រធានអាជ្ញាធរអាកាសចរណ៍ស៊ីវិលម៉ាឡេស៊ី លាលែងពីតំណែង ជុំវិញរឿង MH370
ចន្លោះមិនឃើញ
លោក Azharuddin Abdul Rahman ប្រធានអាជ្ញាធរអាកាសចរណ៍ស៊ីវិលនៃប្រទេសម៉ាឡេស៊ី ទើបតែសម្រេចលាឈប់ពីតំណែង នៅថ្ងៃទី៣១ ខែកក្កដា ឆ្នាំ២០១៨នេះ បន្ទាប់ពីឧបទ្ទវហេតុដែលបណ្ដាលឲ្យបាត់ខ្លួនជើងហោះហើរ MH370 កន្លងផុតទៅរយៈពេល ៤ឆ្នាំ។
ក្នុងសេចក្ដីថ្លែងការណ៍នៅថ្ងៃទី៣១កក្កដានេះ ប្រធានអាជ្ញាធរអាកាសចរណ៍ស៊ីវិលម៉ាឡេស៊ី បានលើកឡើងថា លោកនឹងអស់តួនាទីនៅ ១៤ថ្ងៃបន្ទាប់ពីការដាក់ពាក្យលាឈប់ ហើយលោកបានពិចារណាយ៉ាងខ្លាំង មុននឹងធ្វើការសម្រេចដូច្នេះ។ លោកបន្តថា រយៈពេល ៤ឆ្នាំកន្លងទៅ លោកបានព្យាយាមអស់ពីសមត្ថភាពក្នុងការផ្ដល់ជំនួយដើម្បីស្វែងរកជើងហោះហើរ MH370។
សូមជម្រាបថា ប្រធានអាជ្ញាធរអាកាសចរណ៍ស៊ីវិលម៉ាឡេស៊ី លោក Azharuddin បានបម្រើការងារក្នុងវិស័យហោះហើរជាង ៤០ឆ្នាំមកហើយ។
ចំណែកជើងហោះហើរ MH370 បានបាត់ខ្លួនកាលពីថ្ងៃទី៨ ខែមីនា ឆ្នាំ២០១៤ ដោយមានផ្ទុកមនុស្ស ២៣៩នាក់ អំឡុងការហោះហើរពីក្រុងកូឡាឡាំពួរ ទៅកាន់ក្រុងប៉េកាំង៕
អត្ថបទទាក់ទង
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
