ឡាន Lambor, Porsche តម្លៃ៤លានដុល្លារ ត្រូវបានកិនកម្ទេចក្រោមបញ្ជា Duterte

2018-07-31 07:41:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រថយន្ត និងម៉ូតូស៊េរីទំនើបៗ ជាង ៦០គ្រឿង ត្រូវបានកិនកម្ទេចដោយរថយន្តឈូសដី ក្រោមបញ្ជារបស់លោកប្រធានាធិបតី Rodrigo Duterte នៅខេត្ត Cagayan ប្រទេសហ្វីលីពីន កាលពីថ្ងៃទី៣០ ខែកក្កដា ឆ្នាំ២០១៨។

លោក Duterte ដើរមើលរថយន្តមុនការកិនកម្ទេច (រូបថតកាត់ពីវីដេអូ)

រថយន្ត និងម៉ូតូ ដែលមានតម្លៃសរុបជិត ៤លានដុល្លារអាមេរិក មានដូចជារថយន្តម៉ាក Lamborghini, Porsche, Mercedes Benz និង ម៉ូតូម៉ាក Harley Davidson ជាដើម។ ការកម្ទេចនេះ គឺជាការប្រយុទ្ធប្រឆាំងនឹងការនាំចូលយានយន្តស៊េរីទំនើបដោយខុសច្បាប់នៅប្រទេសហ្វីលីពីន។

ក្នុងពិធីកម្ទេចខាងលើ ក៏មានការអញ្ជើញចូលរួមពីលោក Duterte ផងដែរ។ លោកបានលើកឡើងថា សកម្មភាពនេះគឺដើម្បីបង្ហាញវិនិយោគិននៅជុំវិញពិភពលោក ឲ្យបានឃើញនូវវិធានការក្នុងការប្រឆាំងនឹងការនាំចូលយានយន្តដោយខុសច្បាប់។

រថយន្តឈូសដី កិនពីលើរថយន្តទំនើប (រូបថតកាត់ពីវីដេអូ)

គួររំឭកថា កាលពីខែកុម្ភៈ ឆ្នាំ២០១៨ លោក Rodrigo Duterte ក៏បានបញ្ជាឲ្យការិយាល័យគយ ធ្វើការកិនកម្ទេចរថយន្តស៊េរីទំនើបប្រហែល ៣០គ្រឿង ដែលត្រូវបាននាំចូលដោយខុសច្បាប់ ទៅកាន់ប្រទេសមួយនេះ។ រថយន្តទាំងអស់មានតម្លៃសរុបប្រហែល ១,២លានដុល្លារអាមេរិក៕

អត្ថបទទាក់ទង Duterte បញ្ជាឲ្យកិនកម្ទេចរថយន្តទំនើប តម្លៃសរុបជាង១លានដុល្លារ

ប្រភព៖ telegraph ប្រែសម្រួល៖ លាភ.