រកឃើញអ្នកស្នងអាវលេខ១០ នៅក្លឹប Man Utd ហើយ

2018-08-06 01:39:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កាលពីយប់ថ្ងៃអាទិត្យ ម្សិលមិញ ក្លឹបបិសាចក្រហម Manchester United បានប្រកាសពីកីឡាករដែលនឹងទទួលបានអាវលេខ១០ ចាប់ពីរដូវកាលថ្មី ២០១៨-១៩ តទៅ។ អាវលេខ១០ ដែលជាលេខពិសេសមួយនៅ Man Utd ត្រូវផ្ដល់ជូនខ្សែប្រយុទ្ធវ័យក្មេង Marcus Rashford ។ នេះបើតាមការបង្ហោះនៅលើបណ្ដាញសង្គម Twitter ផ្លូវការរបស់ក្លឹប។

Rashford ពាក់អាវលេខ១០ ក្នុងការប្រកួតរបស់ Man Utd កាលពីយប់មិញ (រូបថត៖ Twitter/Manchester United)

Rashford បានទទួលអាវលេខ១០ ជំនួស Zlatan Ibrahimovic ដែលពាក់បានមួយរដូវកាល កាលពីរដូវកាលកន្លងទៅ មុន Wayne Rooney វីរបុរសរបស់ក្រុមបិសាចក្រហម ដែលជាអ្នកស៊ុតបញ្ចូលទីច្រើនបំផុត របស់ Man Utd ក្នុងរយៈពេល ១០ឆ្នាំ។

Rashford (រូបថត៖ Reuters)

សូមរំឭកថា Rashford វ័យ២០ឆ្នាំ ត្រូវបានផ្ដល់អាវលេខ១៩ កាលពីឆ្នាំ២០១៦ ដោយលោក Jose Mourinho អ្នកចាត់ការ Man Utd បច្ចុប្បន្ន បន្ទាប់ពីពាក់លេខ៣៩ ក្រោមការដឹកនាំរបស់អតីតអ្នកចាត់ការលោក Louis Van Gaal ។

លោក Jose Mourinho បាននិយាយថា Rashford មានបំណងយកលេខ១០នេះយូរមកហើយ។ ដូច្នេះ ស្របពេលដែលលេខ១០ កំពុងទំនេរ លោកសម្រេចចិត្តផ្ដល់ឲ្យ Rashford តែម្ដង៕

ប្រភព៖ Dailymail ប្រែសម្រួល៖ លាភ.