ថៃរៀបចំបង្កើតកងកុម៉ង់ដូ សម្រាប់ការពារគ្រួសាររាជ្យវង្ស

2018-08-27 00:02:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គណៈកម្មការប៉ូលិសថៃបានឯកភាពលើគម្រោងបង្កើតអង្គភាពកងកុម៉ង់ដូរបង្រ្កាបឧក្រឹដ្ឋកម្ម ដើម្បីទទួលធានាសន្ដិសុខសម្រាប់ព្រះមហាក្សត្រថៃ និងក្រុមគ្រួសាររាជ្យរង្ស។ នេះបើតាមការចេញផ្សាយរបស់ Bangkok Post នៅព្រឹកថ្ងៃទី២៧ ខែសីហា ២០១៨នេះ។

រូបភាព៖ Bangkok Post

គម្រោងបង្កើតកងកុម៉ង់ដូរសម្រាប់ការពារគ្រួសាររាជ្យវង្សនេះ នឹងត្រូវបញ្ជូនទៅគណៈរដ្ឋមន្រ្តី ដើម្បីអនុម័តនៅរយៈពេល ២សប្ដាហ៍ទៀត។ នៅពេលអនុវត្តការងារ អង្គភាពកងកុម៉ង់ដូរនេះនឹងធ្វើការដោយផ្ទាល់ជាមួយនឹងការិយាល័យស៊ើបការណ៍ថ្នាក់កណ្ដាលរបស់ថៃ។

តាមគម្រោងអង្គភាពនេះ នឹងត្រូវការបុគ្គលិកចំនួន ១២០០នាក់ ដោយជ្រើសរើសពីប៉ូលិសល្បាតតាមព្រំដែនមួយចំនួន និងមួយចំនួនទៀត គឺជ្រើសរើសប៉ូលិសថ្មីដែលទើបបញ្ចប់ការសិក្សា។ អង្គភាពនេះ នឹងត្រូវធ្វើការស្រដៀងនឹងអង្គភាព SWAT របស់អាមេរិកផងដែរ ដោយមានការបំពាក់អាវុធ និងតាកទិកពិសេសៗ៕

ប្រភព៖ Bangkokpost ប្រែសម្រួល៖ វាសនា