Ronaldo និង Modric មួយណាដែល Ramos ចង់ឲ្យឈ្នះពានកីឡាករឆ្នើម FIFA?

2018-09-11 07:46:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Sergio Ramos របស់ក្លឹប Real Madrid បានបង្ហាញការគាំទ្រចំពោះមិត្តរួមក្រុម Luka Modric ក្នុងការឈ្នះពានរង្វាន់កីឡាករឆ្នើមប្រចាំឆ្នាំ (FIFA Men's Player) ។

Modric ស្ថិតក្នុងបញ្ជីកីឡាករ៣នាក់ចុងក្រោយ ដើម្បីដណ្ដើមពានរង្វាន់ខាងលើ។ Cristiano Ronaldo របស់ក្លឹប Juventus និង Mohamed Salah របស់ក្លឹប Liverpool ជាបេក្ខជន ២នាក់ទៀត ដែលនឹងត្រូវប្រកាសរកអ្នកឈ្នះ នៅចុងខែកញ្ញានេះ។

Luka Modric និង Sergio Ramos (រូបថត៖ Real Madrid)

ខ្សែការពាររបស់ក្លឹបអធិរាជស Ramos បានបញ្ជាក់ថា ខ្សែបម្រើ Modric សក្ដិសមជាង Ronaldo ព្រោះ Ronaldo ល្បីស្រាប់ទៅហើយ និងជាកីឡាករដែលមានទីផ្សារជាង Modric ។

សូមជម្រាបថា Modric ទើបតែឈ្នះពានរង្វាន់បាល់មាស នៅព្រឹត្តិការណ៍ FIFA World Cup ២០១៨ និងពានរង្វាន់កីឡាករឆ្នើមប្រចាំឆ្នាំរបស់សហព័ន្ធកីឡាបាល់ទាត់ទ្វីបអឺរ៉ុប ផងដែរ។

Ronaldo ជាម្ចាស់ពានរង្វាន់ FIFA Men's Player រយៈពេល ២ឆ្នាំកន្លងទៅ បន្ទាប់ពី FIFA និងFrance Footbal បានបំបែកពានរង្វាន់ FIFA Ballon d'Or ជាពីរ គឺ FIFA Men's Player និង Ballon d'Or កាលពីឆ្នាំ២០១៥៕

អត្ថបទទាក់ទង

ប្រភព៖ Dailymail ប្រែសម្រួល៖ លាភ.