មេទ័ពទាំង ១៧រូប នៃកងយោធពលខេមរភូមិន្ទ

2018-09-27 08:07:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកនាយឧត្ដមសេនីយ៍ វង្ស ពិសេន ត្រូវបានតែងតាំងជា អគ្គមេបញ្ជាការ នៃកងយោធពលខេមរភូមិន្ទ កាលពីដើមខែកញ្ញាកន្លងទៅ ជំនួសលោកនាយឧត្តមសេនីយ៍ ប៉ុល សារឿន ដែលត្រូវបានតែងតាំងជាទេសរដ្ឋមន្រ្ដី ទទួលបន្ទុកបេសកកម្មពិសេស ក្នុងរាជរដ្ឋាភិបាល អាណត្តិទី៦ នេះ។

ដូចគ្នានេះដែរ នាយឧត្តមសេនីយ៍ គន់ គីម និង នាយឧត្តមសេនីយ៍ មាស សុភា ដែលជាអគ្គមេបញ្ជាការរង ក៏បានផ្លាស់ទៅកាន់តួនាទីក្នុងរាជរដ្ឋាភិបាល ពោលគឺជាទេសរដ្ឋមន្រ្ដី ទទួលបន្ទុកបេសកកម្មពិសេស ដូចលោកនាយឧត្តមសេនីយ៍ ប៉ុល សារឿន ដែរ។

បច្ចុប្បន្ន កងយោធពលខេមរភូមិន្ទ មានអគ្គមេបញ្ជាការមួយរូប និងអគ្គមេបញ្ជាការរង ចំនួន ១៦រូប ដែលមានដូចខាងក្រោម៖

១. នាយឧត្ដមសេនីយ៍ វងស្ស ពិសេន អគ្គមេបញ្ជាការ ទទួលខុសត្រូវចំពោះមុខរាជរដ្ឋាភិបាល ក្រសួងការពារជាតិ ទទួលបន្ទុកគ្រប់គ្រងដឹកនាំបញ្ជាការងាររួម របស់កងយោធពលខេមរភូមិន្ទ។

២. នាយឧត្ដមសេនីយ៍ ឥត សារ៉ាត់ អគ្គមេបញ្ជាការរង នាយសេនាធិការចម្រុះ នាយកទីចាត់ការហ្វឹកហ្វឺន ទទួលខុសត្រូវចំពោះមុខអគ្គមេបញ្ជាការ លើការដឹកនាំចាត់ចែងសកម្មភាពការងារប្រចាំថ្ងៃ និងក្នុងឋានៈជាអគ្គមេបញ្ជាការស្ដីទី ពេលអគ្គមេបញ្ជាការអវត្តមានផ្ទេរសិទ្ធិជូន ព្រមទាំងទទួលបន្ទុកលើការងារទីចាត់ការហ្វឹកហ្វឺន និងបណ្ដាសាលាចំណុះអគ្គបញ្ជាការដ្ឋាន។

នាយឧត្ដមសេនីយ៍ ឥត សារ៉ាត់ អគ្គមេបញ្ជាការរង នៃកងយោធពលខេមរភូមិន្ទ

៣. នាយឧត្ដមសេនីយ៍ ហ៊ុន ម៉ាណែត អគ្គមេបញ្ជការរង មេបញ្ជាការកងទ័ពជើងគោក និងជាមេបញ្ជាការបញ្ជាការដ្ឋានជាតិកម្លាំងពិសេសប្រឆាំងភេរវកម្ម ទទួលបន្ទុកលើការងារគ្រប់គ្រងដឹកនាំបញ្ជាផ្ទាល់កងទ័ពជើងគោក និងបញ្ជាការដ្ឋានជាតិកម្លាំងពិសេសប្រឆាំងភេរវកម្ម។

៤. នាយឧត្ដមសេនីយ៍ ទៀ វិញ អគ្គមេបញ្ជការរង មេបញ្ជាការកងទ័ពជើងទឹក ទទួលបន្ទុកលើការងារគ្រប់គ្រងដឹកនាំបញ្ជាផ្ទាល់កងទ័ពជើងទឹក។

នាយឧត្ដមសេនីយ៍ ទៀ វិញ អគ្គមេបញ្ជការរង នៃកងយោធពលខេមរភូមិន្ទ

៥. នាយឧត្ដមសេនីយ៍ សឹង សំណាង អគ្គមេបញ្ជការរង មេបញ្ជាការកងទ័ពជើងអាកាស ទទួលបន្ទុកលើការងារគ្រប់គ្រងដឹកនាំបញ្ជាផ្ទាល់កងទ័ពជើងអាកាស និងបញ្ជាការដ្ឋានការពារអាកាសអគ្គបញ្ជាការដ្ឋាន។

នាយឧត្ដមសេនីយ៍ សឹង សំណាង អគ្គមេបញ្ជការរង នៃកងយោធពលខេមរភូមិន្ទ

៦. នាយឧត្ដមសេនីយ៍ សៅ សុខា អគ្គមេបញ្ជការរង មេបញ្ជាការកងរាជអាវុធហត្ថលើផ្ទៃប្រទេស ទទួលបន្ទុកលើការងារគ្រប់គ្រងដឹកនាំបញ្ជាផ្ទាល់កងរាជអាវុធហត្ថលើផ្ទៃប្រទេស។

៧. នាយឧត្ដមសេនីយ៍ ហ៊ឹង ប៊ុនហៀង អគ្គមេបញ្ជការរង មេបញ្ជាការបញ្ជាការដ្ឋានអង្គរក្ស ទទួលបន្ទុកលើការងារគ្រប់គ្រងដឹកនាំបញ្ជាផ្ទាល់បញ្ជាការដ្ឋានអង្គរក្ស។

៨. នាយឧត្ដមសេនីយ៍ ខ្វាន់ ស៊ាម អគ្គមេបញ្ជការរង មេបញ្ជាការបញ្ជាការដ្ឋានវិស្វកម្ម ទទួលបន្ទុកលើការងារគ្រប់គ្រងដឹកនាំបញ្ជាផ្ទាល់បញ្ជាការដ្ឋានវិស្វកម្មអគ្គបញ្ជាការដ្ឋាន។

៩. នាយឧត្ដមសេនីយ៍ ណុប រតនា អគ្គមេបញ្ជការរង មេបញ្ជាការបញ្ជាការដ្ឋានកាំភ្លើងធំ ទទួលបន្ទុកលើការងារគ្រប់គ្រងដឹកនាំបញ្ជាផ្ទាល់បញ្ជាការដ្ឋានកាំភ្លើងធំ អគ្គបញ្ជាការដ្ឋាន។

១០. នាយឧត្ដមសេនីយ៍ វង្ស វាសនា អគ្គមេបញ្ជការរង នាយកទីចាត់ការកលយុទ្ធ ទទួលបន្ទុកលើការងារគ្រប់គ្រងដឹកនាំបញ្ជាផ្ទាល់ទីចាត់ការកលយុទ្ធ ទីចាត់ការការពារគីមីសាស្រ្ដ ទីចាត់ការបំភ័ន្តអក្ខរ និងបញ្ជាការដ្ឋានបញ្ជូនសារ អគ្គបញ្ជាការដ្ឋាន។

១១. នាយឧត្ដមសេនីយ៍ ឈិន ចាន់ពណ៌ អគ្គមេបញ្ជការរង ទទួលបន្ទុកលើការងារសេនាធិការដ្ឋាន កងអន្តរាគមន៍ និងបញ្ជាការដ្ឋានរថក្រោះ។

១២. នាយឧត្ដមសេនីយ៍ គឹម ប៊ុនថាន អគ្គមេបញ្ជការរង ទទួលបន្ទុកលើការងារទីចាត់ការការពារព្រំដែន។

នាយឧត្ដមសេនីយ៍ គឹម ប៊ុនថាន អគ្គមេបញ្ជការរង នៃកងយោធពលខេមរភូមិន្ទ

១៣. នាយឧត្ដមសេនីយ៍ គៀង សាវុធ អគ្គមេបញ្ជការរង ទទួលបន្ទុកលើការងារមជ្ឈមណ្ឌលស្រាវជ្រាវយុទ្ធសាស្រ្ដយោធា និងក្រុមការងារស្រាវជ្រាវយុទ្ធសាស្រ្ដយោធា។

១៤. នាយឧត្ដមសេនីយ៍ អ៊ុង សំខាន់ អគ្គមេបញ្ជការរង ទទួលបន្ទុកលើការងារទីចាត់ការឃោសនា-ព័ត៌មាន និងទំនាក់ទំនងសាធារណៈ។

១៥. នាយឧត្ដមសេនីយ៍ ម៉ក់ សារុន អគ្គមេបញ្ជការរង ទទួលបន្ទុកលើការងារទីចាត់ការផែនការ ទីចាត់ការចលនូប្បត្ថម្ភ ទីចាត់ការបច្ចេកទេស និងទីចាត់ការសុខាភិបាល។

១៦. នាយឧត្ដមសេនីយ៍ អ៊ុយ សារិន អគ្គមេបញ្ជការរង ទទួលបន្ទុកលើការងារទីចាត់ការអភិវឌ្ឍន៍។

១៧. នាយឧត្ដមសេនីយ៍ ម៉ី មនដារី អគ្គមេបញ្ជការរង ទទួលបន្ទុកលើការងារយេនឌ័រ។

សូមបញ្ជាការការបែងចែកភារកិច្ចរបស់ថ្នាក់ដឹកនាំអគ្គបញ្ជាការដ្ឋាននៃកងយោធពលខេមរភូមិន្ទខាងលើនេះ មានចែងក្នុងសេចក្ដីសម្រេចរបស់អគ្គបញ្ជាការដ្ឋាន ចុះហត្ថលេខាដោយនាយឧត្ដមសេនីយ៍ វង្ស ពិសេន កាលពីថ្ងៃទី២៥ ខែកញ្ញា ឆ្នាំ២០១៨៕

អត្ថបទ៖ សុខ សុវត្ថិ