គ្រូបង្វឹកថា ជម្រើសជាតិកម្ពុជាធ្វើបានល្អ តែមិនល្អសម្រាប់អ្នកគាំទ្រមួយចំនួន

2018-10-17 03:42:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Felix Agustin Gonzales Dalmas គ្រូបង្វឹកក្រុមជម្រើសជាតិកម្ពុជា បានថ្លែងក្នុងសន្និសីទសារព័ត៌មានថា ក្រុមជម្រើសជាតិមានការវិវឌ្ឍបានល្អ ឆ្លងកាត់ការប្រកួតកន្លងទៅ បើទោះបីជាទទួលបានលទ្ធផលមិនសូវសមប្រកបក៏ដោយ ប៉ុន្តែលោកយល់ឃើញថា លទ្ធផលនេះជារឿងមិនល្អទៅវិញសម្រាប់អ្នកគាំទ្រមួយចំនួន។

កម្ពុជា ជួបជាមួយ សិង្ហបុរី ក្នុងការប្រកួតកាលពីថ្ងៃទី១៦ ខែតុលា ឆ្នាំ២០១៨

គ្រូបង្វឹកសញ្ជាតិអាហ្សង់ទីន ប្រាប់នៅក្រោយចប់ការប្រកួតមិត្តភាពអន្តរជាតិដែលកម្ពុជាចាញ់សិង្ហបុរីដោយលទ្ធផល ១-២ កាលពីថ្ងៃទី១៦តុលាថា ជាការពិតណាស់កម្ពុជាចង់ឈ្នះ តែវិធីសាស្ត្រដើម្បីស្វែងរកជ័យជម្នះនោះទើបជាការសំខាន់។ លោកបន្ថែមថា កីឡាករនីមួយបានបង្ហាញពីការចែករំលែក និងការព្យាយាមសហការគ្នា។

លោកបន្តថា លោកសង្កេតឃើញអ្នកគាំទ្រដែលចូលរួមទស្សនាផ្ទាល់មួយចំនួនបង្ហាញការពេញចិត្ត ដោយសារពួកគេឃើញពីការរីកចម្រើននៃទម្រង់លេងរបស់កម្ពុជា។

សូមជម្រាបថា ក្រុមជម្រើសជាតិកម្ពុជា បានប្រកួតស្មើ១ និងចាញ់២ ក្រោមការដឹកនាំរបស់លោក Felix និងអ្នកចាត់ការទូទៅថ្មី Keisuke Honda បន្ទាប់ពីត្រូវបានតែងតាំងដោយសហព័ន្ធកីឡាបាល់ទាត់កម្ពុជា កាលពីខែសីហាកន្លងទៅ។ ក្នុងនោះ កម្ពុជា ចាញ់ ម៉ាឡេស៊ី ១-៣ ស្មើទីម័រខាងកើត ២-២ និងចាញ់ សិង្ហបុរី ១-២។

ទាំងនេះជាការប្រកួតមិត្តភាពអន្តរជាតិ ដើម្បីត្រៀមខ្លួនសម្រាប់ព្រឹត្តិការណ៍ AFF Suzuki Cup 2018 ដែលគ្រោងប្រព្រឹត្តទៅនាខែវិច្ឆិកាខាងមុខនេះ ដោយកម្ពុជា ស្ថិតក្នុងពូលជាមួយ ម៉ាឡេស៊ី វៀតណាម ឡាវ និង មីយ៉ាន់ម៉ា៕