នៅទូទាំងប្រទេសកម្ពុជា មានវត្ត និងព្រះសង្ឃចំនួនប៉ុន្មាន?

2018-12-21 09:01:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ហ៊ឹម ឆែម ទេសរដ្ឋមន្ត្រី រដ្ឋមន្ត្រីរដ្ឋមន្ត្រីក្រសួងធម្មការ និងសាសនា បានឲ្យដឹងថា បច្ចុប្បន្នទៅទូទាំងប្រទេសកម្ពុជា មានវត្តអារាមចំនួន ៤៩៨៥វត្ត និងព្រះសង្ឃ ចំនួន ៧០៨៥៣អង្គ។ ក្នុងនោះគណៈមហានិកាយ ចំនួន ៤៧៤៤វត្ត ព្រះសង្ឃចំនួន ៦៦០៣៦អង្គ និងគណៈធម្មយុត្តនិកាយចំនួន ២៤១វត្ត និងព្រះសង្ឃចំនួន ៤៨១៧អង្គ។

លោកទេសរដ្ឋមន្រ្តី បានថ្លែងឱ្យដឹងដូច្នេះ ក្នុងពិធីបើកអនុសំវច្ឆរមហាសន្និបាតមន្រ្តីសង្ឃទូទាំងប្រទេសលើកទី២៧ នៅសាលសន្និសីទចតុមុខ នាព្រឹកថ្ងៃទី២១ខែធ្នូ ឆ្នាំ២០១៨ ក្រោមព្រះរាជាធិបតីភាព និងអធិបតីភាព របស់សម្តេចព្រះអគ្គមហាសង្ឃរាជាធិបតីទាំងពីរគណៈ និងសម្តេច ហេង សំរិន ប្រធានរដ្ឋសភា ដែលជាព្រះរាជតំណាងដ៏ខ្ពស់ខ្ពស់របស់ព្រះមហាក្សត្រ។

ព្រះសង្ឃដែលចូលរួមក្នុងពិធីបើកអនុសំវច្ឆរមហាសន្និបាតមន្រ្តីសង្ឃទូទាំងប្រទេស នៅសាលសន្និសីទចតុមុខ នាព្រឹកថ្ងៃទី២១ខែធ្នូ ឆ្នាំ២០១៨។ រូបថត៖ ហ្វេសប៊ុកសម្តេច ហេង សំរិន

សម្តេច ហេង សំរិន បានថ្លែងក្នុងពិធីនេះថា វត្តអារាមមិនគ្រាន់តែជាទីសក្ការៈសម្រាប់គោរពបូជា តាមផ្លូវជំនឿសាសនា ប៉ុណ្ណោះទេ ប៉ុន្តែថែមទាំងជាថ្នាលបណ្តុះបណ្តាល នូវចំណេះដឹង បញ្ញាញាណ តម្លៃ សីលធម៌ និងស្មារតី រួមរស់សាមគ្គីគ្នា តាមផ្លូវពុទ្ធចក្រ និងអាណាចក្រ ទៀតផង។

សម្តេចបន្តថា វិស័យពុទ្ធិកសិក្សា មានការរីកចម្រើនគួរឱ្យកត់សម្គាល់ គឺមានពីថ្នាក់ធម្មវិន័យ និងថ្នាក់ពុទ្ធិកបឋមសិក្សា រហូតដល់ថ្នាក់ឧត្ដមសិក្សា និងថ្នាក់ក្រោយឧត្ដមសិក្សា។

ក្នុងសម័យដែលមានការរីកចម្រើន ខាងបច្ចេកវិទ្យានេះ សម្តេចប្រធានរដ្ឋសភា បានគូសបញ្ជាក់ថា បើគេចេះទាញ និងប្រើប្រាស់វា បច្ចេកវិទ្យាទំាងអស់នោះ នឹងជួយលើកកម្ពស់ ដល់វិស័យសាសនាផងដែរ ដូចជាការផ្សព្វផ្សាយជាដើម៕

ប្រភព៖ ដើមអម្ពិល ប្រែសម្រួល៖ សំភី