Solskjaer រំឭករឿង Ronaldo ក្រោយដឹកនាំ Man Utd ឈ្នះ៤ប្រកួតជាប់ៗគ្នា

2019-01-03 01:52:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Ole Gunnar Solskjaer អ្នកចាត់ការទូទៅបណ្ដោះអាសន្នរបស់ក្លឹបបាល់ទាត់ Manchester United បានប្រៀបធៀបការទាត់ហ្វ្រីឃីករបស់ខ្សែប្រយុទ្ធ Marcus Rashford ទៅនឹងការទាត់ហ្វ្រីឃីក របស់Cristiano Ronaldo ដែលជាអតីតខ្សែបម្រើឆ្នើមរបស់ Man Utd។ Rashford បានរួមចំណែកបង្កើតគ្រាប់ទី១ ឲ្យក្រុមបិសាចក្រហម ក្នុងការប្រកួតដែល Man Utd ឈ្នះ Newcastle ២-០។

Ronaldo ទាត់ហ្វ្រីឃីក កាលនៅ Man Utd (រូបថត៖ The Mirror)

ការទាត់ហ្វ្រីឃីក របស់ Rashford ធ្វើឲ្យអ្នកចាំទីរបស់ Newcastle ពិបាកក្នុងការចាប់ ដែលបណ្ដាលឲ្យបាល់របូតពីដៃ ហើយខ្សែប្រយុទ្ធ Romelu Lukaku បានបន្ថែម ធ្វើឲ្យចូលទីគ្រាប់ទី១ នៅនាទី៦៤។ ចំណែកគ្រាប់ទី២ Rashford ជាអ្នករកបានដោយខ្លួនឯង នៅនាទី៨០។

សូមជម្រាបថា Man Utd បន្តប្រដេញចំណាត់ថ្នាក់លេខ៥ របស់ Arsenal ដែលមានគម្លាតពីគ្នា ៣ពិន្ទុ។ ការប្រកួតបន្ទាប់ កូនក្រុមរបស់លោក Solskjaer ត្រូវជួប Tottenham Hotspur ៕

ប្រភព៖ BBC ប្រែសម្រួល៖ លាភ.