រាជរដ្ឋាភិបាល ណែនាំឲ្យប្រជាពលរដ្ឋ មានវិធានការស្តុកទឹកទុក ដោយសារបាតុភូតមួយ

2019-01-17 06:25:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រាជរដ្ឋាភិបាល បានចេញសារាចរណែនាំ ចុះថ្ងៃទី១៧ ខែមករា ឆ្នាំ២០១៩ ដោយឲ្យប្រជាពលរដ្ឋ គួរគប្បីរក្សាទឹកទុកសម្រាប់ប្រើប្រាស់ប្រចាំថ្ងៃ ដោយសារព្រះរាជាណាចក្រកម្ពុជា នឹងទទួលរង (ដោយប្រយោល) ឥទ្ធិពលបាតុភូត អែលនីណូ (El Nino) នៅដើមឆ្នាំ២០១៩នេះ។

ឥទ្ធិពលនេះ នឹងបង្កឲ្យធាតុអាកាសនៅកម្ពុជា នារដូវប្រាំងនេះ ពិសេសក្នុងខែមេសា និងខែឧសភា មានសភាពក្ដៅហួតហែង សីតុណ្ហភាពអតិបរមា នៅពេលខ្លះអាចហក់ឡើងដល់ ៤០-៤២ អង្សា មានភ្លៀងកក់ខែតិច មានបាតុភូតផ្គរ រន្ទះ និងខ្យល់កន្ត្រាក់កើតឡើងច្រើន រដូវវស្សាមកដល់យឺតជាងបណ្ដាឆ្នាំកន្លងទៅ ជាដើម។

ក្នុងសារាចរណែនាំ ស្ដីពីការថែរក្សាទឹកទុក រាជរដ្ឋាភិបាល បានធ្វើការណែនាំដូចខាងក្រោម៖

១- ការងារបង្កបង្កើនផលស្រូវប្រាំងក្នុងឆ្នាំ ២០១៨នេះ គឺអាចធ្វើបានតែ ១ដងប៉ុណ្ណោះ ដោយមិនអាចធ្វើស្រូវប្រាំងលើកទី២ បានទេ បើទោះបីជាទឹកនៅតាមបណ្ដាអាងដែលរក្សាទុក និងកន្លែងមួយចំនួនដែលមានទឹកជាធម្មជាតិក៏ដោយ គួរគប្បីរក្សាទឹកទាំងនោះទុក សម្រាប់ប្រើប្រាស់ប្រចាំថ្ងៃ និងការដាំដំណាំរួមផ្សំផ្សេងទៀត ក្រៅពីស្រូវ។

២- ក្រសួង ស្ថាប័នពាក់ព័ន្ធ អាជ្ញាធរដែនដីគ្រប់លំដាប់ថ្នាក់ ត្រូវចូលរួមចាត់វិធានការថែរក្សាទឹកទុកឲ្យបានល្អ ដើម្បីផ្គត់ផ្គង់សម្រាប់តែការប្រើប្រាស់ប្រចាំថ្ងៃប៉ុណ្ណោះ រហូតដល់ពេលមានភ្លៀងធ្លាក់ជាធម្មតាឡើងវិញ។

៣- ក្រសួង ស្ថាប័នពាក់ព័ន្ធ អាជ្ញាធរដែនដីគ្រប់លំដាប់ថ្នាក់ ត្រូវត្រៀមលក្ខណៈជួយសង្គ្រោះប្រជាពលរដ្ឋដែលរងគ្រោះ ដោយគ្រោះធម្មជាតិនានា ដូចជាខ្យល់កន្ត្រាក់ជាដើម៕