ខណ្ឌដែលទើបបង្កើតថ្មី២ នៅរាជធានីភ្នំពេញ មានសង្កាត់ណាខ្លះ?

2019-01-28 01:34:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ថ្មីៗនេះ រាជរដ្ឋាភិបាលកម្ពុជា បានសម្រេចបង្កើតខណ្ឌថ្មីចំនួន២ នៅរាជធានីភ្នំពេញ គឺខណ្ឌបឹងកេងកង និងខណ្ឌកំបូល។

យោងតាមអនុក្រឹត្យដែលចុះហត្ថលេខាដោយសម្តេចនាយករដ្ឋមន្រ្តី ហ៊ុន សែន កាលពីថ្ងៃទី០៨ ខែមករា ឆ្នាំ២០១៩ ឱ្យដឹងថា ខណ្ឌបឹងកេងកង ត្រូវបង្កើតឡើងដោយកាត់យកសង្កាត់ចំនួន០៧ ពីខណ្ឌចំការមន គឺសង្កាត់បឹងកេងកេង១ សង្កាត់បឹងកេងកេង២ សង្កាត់បឹងកេងកេង៣ សង្កាត់អូរឡាំពិច សង្កាត់ទំនប់ទឹក សង្កាត់ទួលស្វាយព្រៃ១ និងសង្កាត់ទួលស្វាយព្រៃ២។ ទីតាំងសាលាខណ្ឌចំការមន ដែលស្ថិតនៅសង្កាត់បឹងកេងកង៣ ត្រូវផ្ទេរទៅឱ្យសាលាខណ្ឌបឹងកេងកង។ ឯទីតាំងសាលាខណ្ឌចំការមន ត្រូវស្ថិតនៅក្នុងសង្កាត់ទន្លេបាសាក់។

អនុក្រឹត្យបានបន្តថា ខណ្ឌកំបូលត្រូវបង្កើតឡើងដោយកាត់យកសង្កាត់ចំនួន៦ ពីខណ្ឌពោធិសែនជ័យ គឺសង្កាត់កំបូល សង្កាត់កន្ទោក សង្កាត់ឱឡោក សង្កាត់ស្នោរ សង្កាត់ភ្លើងឆេះរទេះ សង្កាត់បឹងធំ និងកាត់យកសង្កាត់ចំនួន១ ពីខណ្ឌដង្កោ គឺសង្កាត់ប្រទះឡាង។ ទីតាំងសាលាខណ្ឌកំបូល ត្រូវកំណត់ដោយប្រកាសក្រសួងមហាផ្ទៃ៕

អត្ថបទទាក់ទង៖ កោះរ៉ុង ក្លាយជាក្រុង ខណៈភ្នំពេញ មានខណ្ឌថ្មី២បន្ថែម

អត្ថបទ៖ សំភី