ក្រសួងវប្បធម៌ អំពាវនាវឲ្យប្រើប្រាស់ Valentine's Day ស្របតាមប្រពៃណីខ្មែរ

2019-02-11 03:17:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងវប្បធម៌ និងវិចិត្រសិល្បៈ នៅថ្ងៃទី១១ ខែកុម្ភៈ ឆ្នាំ២០១៩នេះ បានការណែនាំឲ្យអាណាព្យាបាល មាតា បិតាគ្រប់រូប សមត្ថកិច្ចពាក់ព័ន្ធ ជាពិសេសយុវជន ក្រើនរំឭកដល់បងប្អូន កូន ចៅ ក្នុងគោលដៅប្រើប្រាស់ទិវានៃក្ដីស្រឡាញ់ ១៤កុម្ភៈ (Valentine's Day) ឲ្យស្របតាមគន្លងប្រពៃណីរបស់ខ្មែរ។

យោងតាមសេចក្ដីអំពាវនាវរបស់ក្រសួងវប្បធម៌ បានពន្យល់ថា ទិវានៃក្ដីស្រឡាញ់នៅកម្ពុជា គួរជាឱកាសក្នុងការចែកចាយ និងធានានូវក្ដីស្រឡាញ់ប្រកបដោយភាពទូលំទូលាយ និងសន្ដានចិត្តស្មោះសរ ចំពោះមនុស្សដែលនៅជុំវិញខ្លួនមានជាអាទិ៍៖ ក្រុមគ្រួសារ ឪពុកម្ដាយ ប្ដី/ប្រពន្ធ កូន ចៅ និងចំពោះអ្នកដែលនៅសង្គមជាមួយគ្នា ដូចជា៖ ជនពិការ កុមារកំព្រា និងអ្នកដែលខ្សត់ខ្សោយជាងខ្លួន ជាដើម ក្រោមរូបភាបជួបជុំពិភាក្សាគ្នា ឬទទួលទានអាហាររួមគ្នា ការសរសេរលិខិតជូនពរ ការជូនអំណោយផ្សេងៗ ដើម្បីបញ្ជាក់ពីភាពកត្តញ្ញូតាធម៌ ពីក្ដីស្រឡាញ់ និងការយកចិត្តទុកដាក់របស់ខ្លួនចំពោះអ្នកមានគុណ បុព្វការីជន ចំពោះមនុស្សដែលខ្លួនស្រឡាញ់ និងចំពោះសង្គមជាតិ។

ដើម្បីជៀសវាងការប្រើប្រាស់ដោយភាពភ័ន្តច្រឡំ នាំឲ្យប៉ះពាល់ដល់វប្បធម៌ទំនៀមទម្លាប់ប្រពៃណីជាតិ ក្រសួងបានអំពាវនាវឲ្យប្រជាជន ជាពិសេសយុវជនកម្ពុជា ត្រូវសិក្សាស្វែងយល់ឲ្យស៊ីជម្រៅចំពោះវប្បធម៌ ប្រពៃណី ដែលជាមរតករបស់ដូនតា ព្រមទាំងត្រូវសិក្សាស្វែងយល់ឲ្យគ្រប់ជ្រុងជ្រោយ ពីខ្លឹមសារ និងឥទ្ធិពលនៃវប្បធម៌ ទំនៀមទម្លាប់ពីខាងក្រៅ ដើម្បីបន្ស៊ីចូលទៅក្នុងឥរិយាបថ និងបរិបទនៃសង្គមរបស់ខ្លួន៕