WB នឹងអនុវត្តគម្រោងបង្កើនភាពធននឹងអាកាសធាតុ ក្នុងខេត្ត៣ នៅកម្ពុជា

2019-02-26 02:04:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ធនាគារពិភពលោក (WB) បានបង្ហាញពីគម្រោងស្ដីពី ការបង្កើននូវភាពធននឹងអាកាសធាតុ ដោយធានាបាននូវនិរន្តរភាពលើតំបន់អាងទន្លេមេគង្គក្រោម តាមបណ្ដាខេត្តជាប់ព្រំដែននឹងប្រទេសវៀតណាម មានខេត្ត ព្រៃវែង ស្វាយរៀង និងខេត្តតាកែវ។

លោក ចាន់ ស៊ីណាត អនុរដ្ឋលេខាធិការក្រសួងធនធានទឹក និងឧតុនិយម ជួបជាមួយលោកស្រី Anjali Acharya មន្ត្រីជាន់ខ្ពស់របស់ធនាគារពិភពលោក ទទួលបន្ទុកបរិស្ថាន (រូបថត៖ ក្រសួងធនធានទឹក)

ការបង្ហាញនេះ ត្រូវបានធ្វើឡើងក្នុងជំនួបរវាងលោក ចាន់ ស៊ីណាត អនុរដ្ឋលេខាធិការក្រសួងធនធានទឹក និងឧតុនិយម ជាមួយលោកស្រី Anjali Acharya មន្ត្រីជាន់ខ្ពស់របស់ធនាគារពិភពលោក ទទួលបន្ទុកបរិស្ថាន និងក្រុមការងាររបស់លោកស្រី កាលពីថ្ងៃទី២៥ ខែកុម្ភៈ ឆ្នាំ២០១៩។

លោកស្រី Acharya បានឲ្យដឹងថា WB បានចាប់ផ្តើមអនុវត្ត១ជំហានហើយ ក្នុងបណ្តាខេត្តមួយចំនួនដែលនៅជាប់ព្រំដែននឹងប្រទេសកម្ពុជា ក្នុងប្រទេសវៀតណាម ក្នុងតម្លៃ ៤០ លានដុល្លារអាមេរិក។ ចំណែកក្នុងប្រទេសកម្ពុជាវិញ លោកស្រីក៏នឹងផ្តល់ជូនក្នុងចំនួនដូចនឹងខាងប្រទេសវៀតណាមដែរ ដោយបូកបន្ថែមនឹងតម្រូវការជាក់ស្ដែងមួយចំនួនថែមទៀត ដែលនឹងកើតមានជាយថាហេតុ ក្នុងពេលអនុវត្តគម្រោង តាមរូបមន្ត Demand Driven ។

ទន្លេមេគង្គក្រោម

មន្ត្រីជាន់ខ្ពស់របស់ធនាគារពិភពលោក បន្តថា គម្រោងនេះ គឺក្នុងបំណងចាប់យកទឹកពីអាងទន្លេមេគង្គក្រោម មកប្រើប្រាស់បានសមស្របប្រកបដោយចិរភាព សមធម៌ និងប្រសិទ្ធភាពខ្ពស់ ក្នុងពេលដែលភពផែនដី កំពុងឡើងកម្ដៅកាន់តែខ្លាំងឡើងៗ ក្រោមបាតុភូត Elnio សម្រាប់បណ្តាខេត្តដែលនៅជាប់នឹងព្រំដែននៃប្រទេសទាំងពីរ។

ក្នុងជំនួបនេះ លោកអនុរដ្ឋលេខាធិការបានមានប្រសាសន៍ថា សក្ដានុពលសម្រាប់ប្រើប្រាស់ និងចាប់យកទឹកមកប្រើប្រាស់ឲ្យអស់ពីលទ្ធភាព ក្នុងខេត្តព្រៃវែង ខេត្តស្វាយរៀង និងខេត្តតាកែវ គឺមានប្រព័ន្ធធារាសាស្រ្តកីចក ប្រព័ន្ធធារាសាស្រ្តវៃកូ ប្រព័ន្ធធារាសាស្រ្តតាដុកព្រៃញាតិ និងប្រព័ន្ធធារាសាស្រ្តប្រឡាយលេខ៩៨ ដែលជាប្រព័ន្ធធារាសាស្រ្តខ្នាតធំ ខាងប្រទេសកម្ពុជា៕

អត្ថបទ៖ លាភ.