ចារកម្មស្រីលង្កា ព្រមានអំពីភេរវកម្ម ១០ថ្ងៃ មុនហេតុការណ៍បំផ្ទុះគ្រាប់បែកស្លាប់មនុស្សជាង ២០០នាក់

2019-04-22 01:42:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លិខិតមួយដែលព្រមានអំពីលទ្ធភាពនៃការវាយប្រហារភេរវកម្មនៅក្នុងប្រទេសស្រីលង្កា ត្រូវបានបញ្ជូនទៅកាន់កម្លាំងសន្តិសុខ ប្រមាណ១០ថ្ងៃ មុនថ្ងៃហេតុការណ៍បំផ្ទុះគ្រាប់បែកនៅថ្ងៃបុណ្យសាសនាគ្រឹស្ត Easter Sunday ដែលបណ្តាលឱ្យមនុស្សជាង ២០០នាក់បានស្លាប់ និងរបួសជាង ៤០០នាក់។

រូបថត៖ ផ្តល់សិទ្ធិដោយ Reuters

កាលពីថ្ងៃទី១១ ខែមេសា ឆ្នាំ២០១៩ ភ្នាក់ងារចារកម្មស្រីលង្កា បានចេញសេចក្តីព្រមាននៅទូទាំងប្រទេស អំពីលទ្ធផលនៃការវាយប្រហារបំផ្ទុះគ្រាប់បែកអត្តឃាត នៅវិហារកាតូលិក និងស្ថានទូតឥណ្ឌានៅក្រុងកូឡុំបូ ដោយក្រុមភេរវកម្មអ៊ីស្លាមជ្រុលនិយមមួយឈ្មោះ «National Thowheed Jamath»។

លោក Harin Fernando រដ្ឋមន្រ្តីក្រសួងទូរគមនាគមន៍ ហេដ្ឋារចនាសម្ព័ន្ធឌីជីថល ការងារបរទេស និងកីឡានៃប្រទេសស្រីលង្កា បានបង្ហាញលិខិតព្រមាននេះ នៅលើបណ្តាញទ្វីតធើរបស់លោក ដោយបញ្ជាក់ថា មន្រ្តីចារកម្មមួយចំនួន បានដឹងមុនពីហេតុការណ៍នេះ ដោយត្រូវចាត់វិធានការយ៉ាងតឹងរឹង ប៉ុន្តែលោកចោទសួរថា ហេតុអ្វីការព្រមាននេះ មិនត្រូវបានគេអើពើ។

រូបថត៖ ផ្តល់សិទ្ធិដោយ Reuters

យ៉ាងណាក៏ដោយ ការវាយប្រហារបំផ្ទុះគ្រាប់បែកនៅតាមវិហារកាតូលិក និងសណ្ឋាគារមួយចំនួន នៅស្រីលង្កា កាលពីថ្ងៃទី២១ ខែមេសា ឆ្នាំ២០១៩ ម្សិលមិញនេះ គឺមិនទាន់មានក្រុមណាមួយចេញមកបញ្ជាក់ពីទង្វើរបស់ខ្លួននៅឡើយទេ៕

ចុចអានបន្ថែម៖ ស្លាប់និងរបួសជាង ៦០០នាក់ ក្នុងហេតុការណ៍បំផ្ទុះគ្រាប់បែក ៨លើកផ្ទួនៗគ្នានៅស្រីលង្កា

ប្រភព៖ RT ប្រែសម្រួល៖ សំភី