ទស្សនកិច្ចរបស់លោកស្រី ស៊ូជី នៅភ្នំពេញព្រឹកនេះ មានអ្នកមកគាំទ្រ និងអ្នកជិះម៉ូតូតាមក្បួនគណៈប្រតិភូលោកស្រី
- 2019-04-30 04:29:47
- ចំនួនមតិ 0 | ចំនួនចែករំលែក 0
ទស្សនកិច្ចរបស់លោកស្រី ស៊ូជី នៅភ្នំពេញព្រឹកនេះ មានអ្នកមកគាំទ្រ និងអ្នកជិះម៉ូតូតាមក្បួនគណៈប្រតិភូលោកស្រី
ចន្លោះមិនឃើញ
វេលាម៉ោង ៨:២០នាទីព្រឹកថ្ងៃទី៣០ ខែមេសា ឆ្នាំ២០១៩ នៅមុខវិមានឯករាជ្យ ផ្លូវសុរាម្រិតកែងនរោត្តម សង្កាត់ចតុមុខ ខណ្ឌដូនពេញ មានជនជាតិមីយ៉ាន់ម៉ា ចំនួន ០៤នាក់(ប្រុស ១នាក់) មានកន្សែងបង់ករូបសញ្ញាទង់ជាតិមីយ៉ាន់ម៉ា និងកន្សែងសរសេរជាភាសាអង់គ្លេស MYANMAR មិនស្គាល់អត្តសញ្ញាណ បានមកគាំទ្រ ខណៈដែលលោកស្រី អ៊ុង សានស៊ូជី ទីប្រឹក្សារដ្ឋនៃសាធារណរដ្ឋសហភាពមីយ៉ាន់ម៉ា អញ្ជើញដាក់កម្រងផ្កាគោរពវិញ្ញាណក្ខន្ធ នៅវិមានឯករាជ្យ។
ក្រោយកម្មវិធីគោរពវិញ្ញាណក្ខន្ធនេះ ពួកគេរំសាយទៅវិញ ដោយពុំមានបាតុភាពអ្វីឡើយ។
នៅព្រឹកនេះផងដែរ មានយុវជនពីរនាក់ត្រូវបានសមត្ថកិច្ចឃាត់ខ្លួន ដោយជិះម៉ូតូតាមក្បួនគណៈប្រតិភូលោកស្រី អ៊ុង សានស៊ូជី នៅជិតអង្គភាពប្រឆាំងអំពើពុករលួយ ចំណុចផ្លូវនរោត្តម កែង១៧២ សង្កាត់ផ្សារថ្មី៣ ខណ្ឌដូនពេញ។ យុវជន ២នាក់នេះ ជិះម៉ូតូចេញពីម៉ាតនៅផ្លូវលេខ១៩ បត់ឆ្វេងមកផ្លូវលេខ១៨៤ ដល់ផ្លូវនរោត្តមបត់ស្ដាំ ស្របពេលក្បួនប្រតិភូមីយ៉ាន់ម៉ាមកដល់។
ជនសង្ស័យទាំង២នាក់មានឈ្មោះ៖
១. ឈ្មោះ ចាន់ បូណា ភេទប្រុស អាយុ ២៧ឆ្នាំ ជនជាតិខ្មែរ មុខរបរ និងទីលំនៅមិនពិតប្រាកដ។
២. ឈ្មោះ លី គឹមសាន ភេទប្រុស អាយុ ២៦ឆ្នាំ ជនជាតិខ្មែរ មុខរបរ និងទីលំនៅមិនពិតប្រាកដ ។
វត្ថុតាងចាប់យកមាន៖
-ម៉ូតូម៉ាក Yamaha Mio ពណ៌ខ្មៅ ស្លាកលេខ កណ្តាល 1F-9934។
-ជាលទ្ធផលនៃការធ្វើតេស្តរកសារធាតុញៀន:(វិជ្ជមាន) មានសារធាតុញៀនទាំងពីរនាក់៕
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
