Rodtang ផ្ញើពាក្យមួយឃ្លាជូន សុខ ធី មុនប៉ះគ្នានៅ ONE
- 2019-05-09 09:25:27
- ចំនួនមតិ 0 | ចំនួនចែករំលែក 0
Rodtang ផ្ញើពាក្យមួយឃ្លាជូន សុខ ធី មុនប៉ះគ្នានៅ ONE
ចន្លោះមិនឃើញ
Rodtang កីឡាករកំពុងឡើងកូដរបស់ថៃ នឹងត្រូវប៉ះអ្នកប្រដាល់គុនខ្មែរ សុខ ធី នៅក្នុងព្រឹត្តិការណ៍ WARRIORS OF LIGHT របស់ ONE Championship នៅរាជធានីបាងកក ប្រទេសថៃ នាថ្ងៃទី១០ ខែឧសភាស្អែកនេះ (ចាប់ផ្ដើមពីម៉ោង ៦កន្លះល្ងាច)។
នៅក្នុងបទសម្ភាសន៍ជាមួយ [ខ្លីៗ] និងអ្នកសារព័ត៌មានកម្ពុជា Rodtang បានផ្ដាំផ្ញើទៅកាន់សុខ ធី ថា៖ "សួស្ដីកាកា! សូមបញ្ចេញឲ្យអស់ រាល់អ្វីដែលអ្នកមាន ដើម្បីប្រកួតក្នុងសង្វៀនជាមួយខ្ញុំ។ ធ្វើយ៉ាងណាឲ្យអ្នកទស្សនា ជក់ចិត្តនឹងការប្រកួតរបស់យើងទាំង២"។
បន្ថែមលើនេះ Rodtang បានសរសើរសុខ ធី ថាជាអ្នកប្រដាល់ពោរពេញដោយថាមពល និងមានក្បាច់ស្រដៀងនឹងខ្លួន។ យ៉ាងណាក្ដី អ្នកប្រដាល់រហស្សនាមមនុស្សដែក ឬរថក្រោះរូបនេះ ក៏បញ្ជាក់ដែរថាខ្លួននឹងព្យាយាមវាយឲ្យឈ្នះដោយសន្លប់ ព្រោះការប្រកួតនេះ ប្រៀបដូចជាស្ពានចម្លងទៅកាន់ការប្រកួតដណ្ដើមខ្សែក្រវាត់នាពេលឆាប់ៗខាងមុខផងដែរ។ មួយវិញទៀត Rodtang ក៏អះអាងដែរថា ត្រូវតែឈ្នះប្រកួតនេះ ដើម្បីអ្នកគាំទ្រ និងប្រទេសរបស់ខ្លួនផងដែរ។
សូមបញ្ជាក់ថា ព្រឹត្តិការណ៍ ONE: WARRIORS OF LIGHT ធ្វើឡើងនៅ Impact Arena ជាយរាជធានីបាងកក នាថ្ងៃទី១០ ខែឧសភា ចាប់ពីម៉ោង ៦កន្លះល្ងាចតទៅ ដែល សុខ ធី និង Rodtang ប្រកួតគូទី ៩។ ការប្រកួតនេះ មានការផ្សាយបន្តផ្ទាល់តាមរយៈ YouTube និង App របស់ ONE Championship៕