ក្រុមហ៊ុន Emirates ចំណាយដល់ ៨ ពាន់លានដុល្លារលើថ្លៃប្រេងយន្តហោះ កាលឆ្នាំទៅ
- 2019-05-10 09:32:17
- ចំនួនមតិ 0 | ចំនួនចែករំលែក 0
ក្រុមហ៊ុន Emirates ចំណាយដល់ ៨ ពាន់លានដុល្លារលើថ្លៃប្រេងយន្តហោះ កាលឆ្នាំទៅ
ចន្លោះមិនឃើញ
ប្រាក់ចំណេញរបស់ក្រុមហ៊ុនអាកាសចរណ៍ Emirates បានធ្លាក់ចុះដល់ចំណុចទាបបំផុត ក្នុងរយៈពេល ១០ ឆ្នាំកន្លងមកនេះ ស្របពេលដែលតម្លៃប្រេងមានការកើនឡើងខ្លាំង។
ក្រុមហ៊ុនដែលមានមូលដ្ឋាននៅឌុយបៃនេះ បានចំណាយ ៨,៤ ពាន់លានដុល្លារលើថ្លៃប្រេងឥន្ធនៈ អំឡុងរយៈពេលការរកស៊ីមួយឆ្នាំរបស់ខ្លួន ដែលបិទបញ្ចប់ត្រឹមខែមីនា ឆ្នាំ ២០១៩។ ការចំណាយនេះមានការកើនឡើង ២៥% បើធៀបនឹងឆ្នាំមុន ហើយក៏ជាចំណាយច្រើនបំផុតក្នុងប្រវត្តិសាស្ត្ររបស់ក្រុមហ៊ុនដែរ។
ការចំណាយលើប្រេងឥន្ធនៈរបស់ Emirates គឺស្មើនឹង ៣២% នៃការចំណាយសរុប។ ក្រឡេកមើលប្រាក់ចំណេញរបស់ក្រុមហ៊ុនវិញបានធ្លាក់ចុះដលើ ៦៩% បើធៀបនឹងរយៈពេលដូចគ្នាកាលឆ្នាំមុន ពោលឆ្នាំចុងក្រោយនេះរកប្រាក់ចំណេញបាន ២៣៧ លានដុល្លារ។
គួរដឹងថាតម្លៃប្រេងឥន្ធនៈយន្តហោះបានកើនឡើងជាមធ្យម ២២% ក្នុងអំឡុងពេលការរកស៊ីមួយឆ្នាំរបស់ Emirates បន្ទាប់ពីបានកើនឡើង ១៥% កាលពីឆ្នាំមុនរួចមក។ អ្នកដំណើររបស់ក្រុមហ៊ុននេះនៅមានចំនួនថេរដដែល ដោយមានចំនួន ៥៨,៦ លាននាក់៕