កំណត់ត្រាមិនចាញ់ ៨ឆ្នាំរបស់ Yodsanklai ត្រូវចប់ ឯលុយ ១លានដុល្លារក៏អស់ឱកាសយក

2019-05-17 14:47:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កំពូលអ្នកប្រដាល់ថៃ Yodsanklai IWE Fairtex បានធ្លាក់ចេញពីការប្រកួតដណ្ដើមជើងឯក ONE Featherweight Kickboxing World Grand Prix ត្រឹមវគ្គ ៨នាក់ចុងក្រោយ ក្រោយប្រកួតចាញ់កីឡាករបារាំង Samy Sana ដោយពិន្ទុ នារាត្រីថ្ងៃទី១៧ ខែឧសភា នៅប្រទេសសិង្ហបុរី។

នេះជាបរាជ័យលើកដំបូងរបស់អ្នកប្រដាល់រហស្សនាម The Boxing Computer រូបនេះ គិតចាប់ពីឆ្នាំ ២០១១ មក។ មិនត្រឹមតែបាត់បង់កំណត់ត្រានេះយ៉ាងគួរឲ្យភ្ញាក់ផ្អើលប៉ុណ្ណោះទេ បរាជ័យនេះ ក៏ធ្វើឲ្យ Yodsanklai ត្រូវបាត់បង់ឱកាសដណ្ដើមយកប្រាក់រង្វាន់ ១លានដុល្លារពី ONE Championship ផងដែរ។

Sana ម៉ាត់១ដៃ ធ្វើឲ្យ Yodsanklai ដួលលើរេញ (រូបភាព៖ ONE Championship)

គ្រាន់តែស្នូរជួងចាប់ផ្ដើមទឹកទី១ ភ្លាម ទាំង Yod និង Sana បានប្រើគ្រប់ក្បាច់ Kickboxing ដាក់គ្នា ទាំងម៉ាត់ ទាត់ និងជង្គង់ ប៉ុន្តែនៅចុងទឹកទី១ កីឡាករកម្ពស់ខ្ពស់របស់បារាំង បានម៉ាត់មួយដៃពេញមុខ Yodsanklai ធ្វើឲ្យអាជ្ញាកណ្ដាលរាប់ Yod ដល់ ៨។ ចូលទឹកទី២ និងទី៣ កីឡាករទាំង ២ បានវាយសន្ធាប់ដាក់គ្នាយ៉ាងជក់ចិត្ត ប៉ុន្តែចុងក្រោយ ចៅក្រមទាំង ៣ បានផ្ដល់ពិន្ទុឲ្យ Sana ឈ្នះដោយឯកច្ឆ័ន្ទ។

ទស្សនាវីដេអូហាយឡាយ ខាងក្រោម៖

លទ្ធផល ៣គូផ្សេងទៀត ក្នុង ONE Featherweight Kickboxing World Grand Prix រួមមាន៖

Dzhabar Askerov (រុស្ស៊ី) ឈ្នះ Enriko Kehl (អាល្លឺម៉ង់) ដោយពិន្ទុជាឯកច្ឆ័ន្ទ
Jo Nattawut (ថៃ) ឈ្នះ Sasha Moisa (អ៊ុយក្រែន) ក្នុងទឹកទី៣
Petchmorakot Petchyindee Academy (ថៃ) ឈ្នះ Giorgio Petrosyan (អ៊ីតាលី) ដោយពិន្ទុមិនឯកច្ឆ័ន្ទ

កីឡាករដែលត្រូវជួបគ្នាក្នុងវគ្គពាក់កណ្ដាលផ្ដាច់ព្រ័ត្រ៖