រដ្ឋមន្រ្ដីព័ត៌មាន ព្រមានបង្ហោះរូបថតមន្រ្ដី ដែលមានតែឈ្មោះបើកប្រាក់ខែ

2019-05-21 07:58:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ខៀវ កាញារីទ្ធ បានស្នើឲ្យគ្រប់អគ្គនាយកដ្ឋានទាំងអស់របស់ក្រសួងព័ត៌មាន បញ្ជូនឈ្មោះ និងរូបថតមន្រ្ដីដែលមានតែឈ្មោះ តែបើកប្រាក់ខែ ដើម្បីឲ្យលោកបង្ហោះរូបមន្រ្ដីទាំងនោះ។

លោករដ្ឋមន្រ្ដីក្រសួងព័ត៌មាន បានបញ្ជាក់ថា ការធ្វើបែបនេះ ដើម្បីរួមចំណែកអភិបាលកិច្ចល្អរបស់រាជរដ្ឋាភិបាលកម្ពុជា។

លោក ខៀវ កាញារីទ្ធ រដ្ឋមន្រ្ដីក្រសួងព័ត៌មាន

លោក ខៀវ កាញារីទ្ធ បានសរសេរនៅលើគណនីហ្វេសប៊ុក នារសៀលថ្ងៃទី២១ ខែឧសភានេះថា៖ ***"ក្រោយពីមានការរអ៊ូរទាំរបស់មន្ត្រីក្រសួងព័ត៌មាន ក្រសួងព័ត៌មានសុំឲ្យគ្រប់អគ្គនាយកដ្ឋាន បញ្ជូនឈ្មោះ និងរូបថត មន្ត្រីណាខ្លះ ដែលមានតែឈ្មោះ តែបេីកប្រាក់ខែ ដើម្បីរួមចំណែកអភិបាលកិច្ចល្អ របស់រាជរដ្ឋាភិបាល ដេីម្បីខ្ញុំបង្ហោះរូបអ្នកដែលសុីលេីកម្លាំងមន្ត្រីក្រសួង"***។

សូមបញ្ជាក់ថា ក្រសួងព័ត៌មាន មានអគ្គនាយកដ្ឋានចំនួន ៥ គឺ អគ្គនាយកដ្ឋានទូរទស្សន៍ជាតិកម្ពុជា អគ្គនាយកដ្ឋានវិទ្យុជាតិកម្ពុជា អគ្គនាយកដ្ឋានរដ្ឋបាល និងហិរញ្ញវត្ថុ អគ្គនាយកដ្ឋានព័ត៌មាន និងសោតទស្សន៍ និងអគ្គនាយកដ្ឋានទីភ្នាក់ងារសារព័ត៌មានកម្ពុជា៕

ចុចអាន៖ លោក ខៀវ កាញារីទ្ធ ប្រាប់ពីវិធីមួយដើម្បីបន្សាបព័ត៌មានក្លែងក្លាយ

អត្ថបទ៖ សុខ សុវត្ថិ