វគ្គជម្រុះបឋម តំបន់អាស៊ី នៃ FIFA World Cup 2022 បាន​រកឃើញ​ក្រុម​ដែល​ឡើង​បន្ត​ទៅ​វគ្គ​ជម្រុះ​ជុំទី២ (ចែកពូល) ទាំង ៦ក្រុម​ហើយ ដែល​ក្នុង​នោះ​មាន​ក្រុម​អាស៊ាន​តែ ២ប៉ុណ្ណោះ ខណៈ​ក្រុម​អាស៊ាន ៣ទៀត បានធ្លាក់ហើយ។

ក្រុមមកពីតំបន់អាស៊ានទាំង ២ ដែលឆ្លងផុតទៅជុំបន្ទាប់ គឺ កម្ពុជា និងម៉ាឡេស៊ី ចំណែក​ក្រុម ៣ ដែលធ្លាក់ រួមមាន ឡាវ ប្រ៊ុយណេ និងទីម័រខាងកើត​។

លទ្ធផល​ទាំង ៦ គូ នៃ​វគ្គ​ជម្រុះបឋម FIFA World Cup 2022 មានដូចខាងក្រោម៖

​- ប៉ាគីស្ថាន ១-២ កម្ពុជា (សរុបទាំង២ជើង កម្ពុជា ឈ្នះ ៤-១)

• ប្រ៊ុយណេ ២-១ ម៉ុងហ្គោល (សុរបទាំង២ជើង ម៉ុងហ្គោល ឈ្នះ ៣-២)

• បង់ក្លាដេស ០-០ ឡាវ (សរុបទាំង២ជើង បង់ក្លាដេស ឈ្នះ ១-០)

• ទីម័រខាងកើត ១-៥ ម៉ាឡេស៊ី (សរុបទាង២ជើង ម៉ាឡេស៊ី ឈ្នះ ១២-២)

• ហ្គាម ៥-០ ប៊ូតាន (សរុបទាំង២ជើង ហ្គាម ឈ្នះ ៥-១)

• ស្រីលង្កា ជាប់​ដោយស្វ័យប្រវត្តិ ក្រោយ ម៉ាកាវ ដកខ្លួន

ក្នុងការប្រកួតជុំទី២ មានក្រុមទាំងអស់ ៤០ ដោយត្រូវបែងចែកជា ៨ពូល ក្នុង១ពូល មាន ៥ក្រុម ដោយ​ធ្វើឡើងតាមរូបមន្តប្ដូរទឹកដី ដោយក្រុមទាំងអស់ក្នុងពូលជាមួយគ្នា ត្រូវប៉ះគ្នា២ជើង (ក្នុងដី ក្រៅដី)។ ការចាប់ឆ្នោត​ជ្រើសរើសពូល នឹងធ្វើឡើងនៅថ្ងៃទី១៧ ខែកក្កដា ឆ្នាំ២០១៩ នៅទីក្រុងដូហា ប្រទេស​កាតា ដែលជា​ប្រទេសម្ចាស់ផ្ទះរៀបចំការប្រកួត FIFA World Cup 2022៕

ចុចអាន៖ កម្ពុជា ឡើង​ទៅវគ្គជម្រុះតាមពូល FIFA World Cup 2022 ក្រោយឈ្នះប៉ាគីស្ថាន ទាំង២ជើង