ស្ថានភាពអាកាសធាតុនៅកម្ពុជា ពីថ្ងៃទី២០ ដល់ ២៦ មិថុនា
- 2019-06-19 01:27:31
- ចំនួនមតិ 0 | ចំនួនចែករំលែក 0
ស្ថានភាពអាកាសធាតុនៅកម្ពុជា ពីថ្ងៃទី២០ ដល់ ២៦ មិថុនា
ចន្លោះមិនឃើញ
ក្រសួងធនធានទឹក និងឧតុនិយម បានចេញសេចក្តីជូនដំណឹងនៅថ្ងៃនេះ ឱ្យដឹងថា កម្ពុជាទទួលរងឥទ្ធិពលពីប្រព័ន្ធសម្ពាធទាប ដែលអូសបន្លាយលើប្រទេសឡាវ និងវៀតណាម ជាមួយនឹងរបបខ្យល់មូសុងនីរតីបក់ក្នុងកម្រិតមធ្យម។ លក្ខណៈបែបនេះ នឹងបង្កឱ្យស្ថានភាពអាកាសធាតុ ចាប់ពីថ្ងៃទី២០ ដល់ ២៦ ខែមិថុនា ឆ្នាំ២០១៩ មានលក្ខណៈដូចខាងក្រោម៖
១. បណ្តាខេត្ត-ក្រុងនៅតំបន់វាលទំនាបកណ្តាល និងតំបន់មាត់សមុទ្រ នឹងមានភ្លៀងធ្លាក់រាយប៉ាយក្នុងបរិមាណពីតិចទៅបង្គួរ។ ទន្ទឹមនោះ ក៏អាចមានផ្នែកខ្លះខ្លាំង។
២. បណ្តាខេត្តនៅតំបន់ខ្ពង់រាបភាគខាងជើង និងឦសាន ក៏នឹងអាចមានភ្លៀងផងដែរ តែក្នុងកម្រិតពីខ្សោយទៅមធ្យម។
៣. បាតុភូត ផ្គរ រន្ទះ និងខ្យល់កន្រ្តាក់ នៅតែបន្តកើតមាន ពិសេសតំបន់ទំនាបកណ្តាល៕