មកស្គាល់គ្រាប់ពេជ្រកូរ៉េខាងត្បូង ទើបឈ្នះបាល់មាស U20-World Cup

2019-06-19 07:56:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Lee Kang-In ជាកីឡាករសញ្ជាតិកូរ៉េខាងត្បូងទើបតែមានវ័យត្រឹម ១៨ ឆ្នាំ ប៉ុន្តែកីឡាកររូបនេះមានទេពកោសល្យខ្ពស់ខាងបាល់ទៀត ត្រូវបានក្លឹបនៅលីគកំពូលអេស្ប៉ាញ Valencia បានចុះកិច្ចសន្យាទិញយកលេងក្នុងតំណែងជាខ្សែបម្រើប្រយុទ្ធ។

ពេល Lee Kang- In លេងឲ្យក្លឹប Valencia

ទោះជាមិនទាន់ជោគជ័យនៅក្លឹបប្រជៀវខ្មៅក៏ដោយ តែកីឡាករវ័យក្មេងរូបនេះបានលើកពាន Copa del rey មួយរួចហើយជាមួយក្រុម Valencia យកឈ្នះ FC Barcelona ដោយលទ្ធផល ១-២។

Lee បានបង្ហាញទម្រង់លេងយ៉ាងភ្ញាក់ផ្អើលនៅជម្រើសជាតិដោយជួយឲ្យក្រុមឡើងដល់វគ្គផ្ដាច់ព្រ័ត្រពានរង្វាន់ U20-World Cup ជាលើកដំបូង។ ប្រទេសកូរ៉េខាងត្បូង ធ្លាប់ទទួលបានចំណាត់ថ្នាក់លេខ ៤ ក្នុងពានរង្វាន់នេះកាលពីឆ្នាំ ១៩៨៣។

ពេល Lee Kang- In លេងឲ្យក្រុមជម្រើសជាតិកូរ៉េខាងត្បូង

តែគួរឲ្យស្ដាយ ក្រុមជម្រើសជាតិកូរ៉េខាងត្បូងបានត្រឹមរងជើងឯក ដោយចាញ់ក្រុមជម្រើសជាតិអ៊ុយក្រែន ក្នុងលទ្ធផល ៣-១ ដែលប្រកួតនៅទឹកដីប៉ូឡូញកាលពីពេលថ្មីៗនេះ។

Lee ទើបនឹងត្រូវបានកោះហៅឲ្យចូលហ្វឹកហាត់ជាមួយជម្រើសជាតិក្រុមធំលើកដំបូងកាលពីខែមិនាឆ្នាំ ២០១៩ ។ Lee និងរកបានគ្រាប់បាល់បាន ២ គ្រាប់នៅពេលប៉ះសេណេហ្គាល់នៅវគ្គ ៨ ក្រុមចុងក្រោយព្រមបញ្ជូនបាល់ឲ្យមិត្តរួមក្រុមបាន ៤ ដង និងរកបានគ្រាប់បាល់សរុប ៦ គ្រាប់ក្នុងពានរង្វាន់ U20-World Cup។

ក្លាយជាកីឡាករអាស៊ីទី ២ ដែលបានឈ្នះបាល់មាស

ខ្សែប្រយុទ្ធក្រុមជម្រើសជាតិកូរ៉េខាងត្បូងរូបនេះ បានឈ្នះបាល់មាស World Cup (ជាពានអ្នកលេងល្អបំផុតក្នុងព្រឹត្តិការណ៍ U20-World Cup 2019។ ជាងនេះទៀត Lee ក្លាយជាកីឡាករអាស៊ីទី ២ ដែលបានឈ្នះ។ ដោយកីឡាករសញ្ជាតិអារ៉ាប់រួម Ismail Matar ជាកីឡាករអាស៊ីដំបូងធ្លាប់ឈ្នះកាលពីឆ្នាំ ២០១៣។

សូមបញ្ជាក់ដែរថា បច្ចុប្បន្ន Lee Kang-In កំពុងត្រូវបានក្លឹបធំៗនៅអឺរ៉ុបចាប់អារម្មណ៍ចង់បានដូចជា Real Madrid, Manchester City និង Ajax ជាដើម។ ក្រោយបន្តកុងត្រាថ្មីនៅក្លឹបប្រជៀវខ្មៅ ចំពោះតម្លៃខ្លួនផ្ដាច់កុងត្រាកីឡាកររូបនេះឡើងដល់ ១០០ លានដុល្លារឯណោះ៕