Messi បដិសេធមិនទទួលយក ចំណាត់ថ្នាក់លេខ ៣

2019-07-07 02:36:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានក្រុមជម្រើសជាតិអាហ្សង់ទីនកីឡាករ Lionel Messi បដិសេធមិនទទួលយកចំណាត់ថ្នាក់លេខ ៣ នោះទេ ក្រោយក្រុមជម្រើសជាតិអាហ្សង់ទីន បានយកឈ្នះក្រុមជម្រើសជាតិឈឺលី ដោយលទ្ធផល ២-១ ដណ្ដើមបានលេខ ៣ ក្នុងពាន Copa America 2019។

បន្ទាប់ពីនោះប្រធានក្រុមវ័យ ៣២ ឆ្នាំដែលបានប៉ះជាមួយកីឡាករ Gary Medel ត្រូវអាជ្ញាកណ្ដាលឲ្យកាតក្រហមទាំងពីរនាក់ ដើរចេញពីការប្រកួតតាំងពីតង់ទី ១ រួចមក គេសង្កេតឃើញថា ទោះជារូបថតចប់ការប្រកួត ក៏ Messi មិនទៅថតរូបជុំគ្នា។

រូបថតជុំគ្នា តែគ្មានវត្តមាន Messi

ក្រោយចប់ការប្រកួតប្រធានក្រុមរូបនេះបានផ្ដល់បទសំភាសន៍ទៅអ្នកសារព័ត៌មានថា "ដូចខ្ញុំបាននិយាយហើយ ខ្ញុំមិនទៅលើឆាកទទួលនោះទេ ព្រោះតែពួកយើងមិនគួរជាផ្នែកមួយនៃអំពើពុករលួយ និងការមិនគោរពគ្នា។ អំពើពុករលួយ ដែលកើតចេញពីទង្វើអាជ្ញាកណ្ដាលលើទីលាននិងអាជ្ញាកណ្ដាល VAR ដែលព្យាយាមធ្វើយ៉ាងណាមិនឲ្យយើងឡើងដល់វគ្គផ្ដាច់ព្រ័ត្រ។ វាជាការរៀបចំ ចឹងយើងត្រូវនិយាយការពិត។”

រឿងរ៉ាវនេះកំពុងចម្រូសចម្រាសខ្លាំង សូម្បីតែសមាគមបាល់ទាត់អាហ្សង់ទីន AFA ក៏ថ្កោលទោសពីការកាត់ក្ដីរបស់អាជ្ញាកណ្ដាលក្នុងប្រកួតរវាងអាហ្សង់ទីន និងក្រុមម្ចាស់ផ្ទះប្រេស៊ីលនៅវគ្គពាក់កណ្ដាលផ្ដាច់ព្រ័ត្រនៃ Copa America ថា ជាកំហុសដ៏ធ្ងន់ធ្ងរមួយនៃកាត់សេចក្ដីការប្រកួតរបស់អាជ្ញាកណ្ដាល។

យ៉ាងណាមិញ សហព័ន្ធបាល់ទាត់អាមេរិកខាងត្បូងបានបញ្ជាក់ថា VAR ដែលប្រើប្រាស់ក្នុងប្រកួតប្រេស៊ីល និងអាហ្សង់ទីន ពិតជាមានបញ្ហា ហើយមានការរៀបចំទុកជាមុន នៅមុនពេលប្រកួតនេះ តែមិនទាន់ដំណោះស្រាយយ៉ាងណានោះទេ៕