ក្រសួងអប់រំកែសម្រួលមណ្ឌលប្រឡងមួយនៅ ខេត្តកំពត ដោយសារហេតុផលមួយនេះ
- 2019-08-15 07:40:10
- ចំនួនមតិ 0 | ចំនួនចែករំលែក 0
ក្រសួងអប់រំកែសម្រួលមណ្ឌលប្រឡងមួយនៅ ខេត្តកំពត ដោយសារហេតុផលមួយនេះ
ចន្លោះមិនឃើញ
ក្រសួងអប់រំបានកែសម្រួលមណ្ឌលប្រឡងបាក់ឌុបមួយ នៅក្រុងកំពត ប្តូរពីអនុវិទ្យាល័យ ហ៊ុន សែន ក្រាំងអំពិល ទៅសាលារៀន គួង យ៉ុក ដោយសារបញ្ហាទឹកជំនន់។ នេះបើយោងតាមសេចក្ដីជូនដំណឹងមួយរបស់ក្រសួងអប់រំ ដែលចុះហត្ថលេខាថ្ងៃទី ១៤ សីហា ២០១៩ ដោយ ឯកឧត្តម ហង់ ជួនណារ៉ុន រដ្ឋមន្ត្រីក្រសួងអប់រំយុវជន និងកីឡា។
ផ្អែកតាមសេចក្ដីជូនដំណឹងបានរៀបរាប់ដូចខាងក្រោមនេះ៖
ប្រការ១៖ មណ្ឌលប្រឡងសញ្ញាបត្រមធ្យមសិក្សាទុតិយភូមិចំណេះទូទៅ និងបំពេញវិជ្ជា សម័យប្រឡង ១៩សីហា ២០១៩ នៅមណ្ឌល អនុវិទ្យាល័យហ៊ុន សែន ក្រាំងអំពិលថ្នាក់៖ វិទ្យាសាស្ត្រសង្គម មាន១៤បន្ទប់ ស្ថិតនៅក្រុងកំពត ត្រូវបានអនុញ្ញាតឲ្យប្ដូរទៅមណ្ឌល សាលារៀន គួង យ៉ុក ថ្នាក់៖ វិទ្យាសាស្ត្រសង្គម មាន ១៤បន្ទប់ ស្ថិតនៅក្រុងកំពត ខេត្តកំពត។
ប្រការ២៖ ប្រធានមន្ទីរអប់រំ យុវជន និងកីឡាខេត្តកំពត និងនាយក នាយិកាសាមីគ្រឹះស្ថានសិក្សាដែលត្រូវយកធ្វើជាមណ្ឌលប្រឡង មានភារកិច្ចរៀបចំមណ្ឌលប្រឡង និងសម្ភារៈចាំបាច់សម្រាប់ការប្រព្រឹត្តទៅ នៃការប្រឡងឲ្យហើយស្រេចមុនបើកសម័យប្រឡង។
ប្រការ៣៖ ប្រធានមន្ទីរអប់រំ យុវជន និងកីឡាខេត្តកំពត ត្រូវទាក់ទងជាមួយអាជ្ញាធរដែនដីដើម្បីរៀបចំកម្លាំងថែរក្សាសណ្ដាប់ធ្នាប់ របៀបរៀបរយ និងសុវត្ថិភាព តាមមណ្ឌលប្រឡងឲ្យហើយស្រេចមុនបើកសម័យប្រឡង។
ប្រការ៤៖ អគ្គាធិការនៃអត្តាធិការដ្ឋាន អគ្គនាយកនៃអគ្គនាយកដ្ឋានរដ្ឋបាល និងហិរញ្ញវត្ថុ អគ្គនាយកនៃអគ្គនាយកដ្ឋានអប់រំអគ្គនាយក នៃអគ្គនាយកដ្ឋានឧត្ដមសិក្សា ប្រធាននាយកដ្ឋានកិច្ចការប្រឡង ប្រធាននាយកដ្ឋានអប់រំក្រៅប្រព័ន្ធ និងប្រធានអង្គភាពពាក់ព័ន្ធត្រូវអនុវត្តប្រកាសនេះចាប់ពីថ្ងៃចុះហត្ថលេខាតទៅ៕
សូមអានសេចក្ដីជូនដំណឹងទាំងស្រុងខាងក្រោមនេះ៖