ចិនបង្ហាញជំហរគាំទ្រកូរ៉េខាងជើង ខណៈកិច្ចពិភាក្សានុយក្លេអ៊ែរនៅជាប់គាំង
- 2019-09-04 03:08:04
- ចំនួនមតិ 0 | ចំនួនចែករំលែក 0
ចិនបង្ហាញជំហរគាំទ្រកូរ៉េខាងជើង ខណៈកិច្ចពិភាក្សានុយក្លេអ៊ែរនៅជាប់គាំង
ចន្លោះមិនឃើញ
រដ្ឋាភិបាលក្រុងប៉េកាំង បានបង្ហាញជំហរគាំទ្រកូរ៉េខាងជើងកាលពីថ្ងៃអង្គារកន្លងទៅខណៈពេលដែលរដ្ឋមន្ត្រីក្រសួងការបរទេសរបស់ខ្លួន ធ្វើទស្សនកិច្ចក្នុងទីក្រុងព្យុងយ៉ាង។
នៅក្នុងសេចក្ដីថ្លែងការណ៍មួយ រដ្ឋាភិបាលប៉េកាំង បានប្រកាសថានឹងរក្សាទំនាក់ទំនងយ៉ាងជិតដិតជាមួយមហាមិត្តកូរ៉េខាងជើង បើទោះបីជាកិច្ចពិភាក្សានុយក្លេអ៊ែរជាមួយអាមេរិកនៅជាប់គាំង និងមិនទាន់រកផ្លូវចេញឃើញយ៉ាងណាក្ដី។ ជាមួយគ្នាដែរ ទីក្រុងប៉េកាំង បានក្លាយជាអ្នកជួយគាំទ្រយ៉ាងសំខាន់សម្រាប់កូរ៉េខាងជើងដែលបានផ្ដល់ជំនួយតាមរយៈការធ្វើពាណិជ្ជកម្ម។ ចាប់តាំងពីខែមីនាឆ្នាំ ២០១៨មក ប្រធានាធិបតីចិនលោក Xi Jinping និងមេដឹកនាំកូរ៉េខាងជើងគីម ជុងអ៊ុន បានជួបគ្នាប្រាំដងមកហើយ។
លើសពីនេះ រដ្ឋមន្ត្រីក្រសួងការបរទេសចិនលោក Ri Yong Ho ឲ្យដឹងដែរថាកូរ៉េខាងជើង ក៏បង្ហាញឆន្ទៈខ្ពស់ក្នុងការធ្វើការជាមួយប្រទេសចិនដើម្បីជំរុញការអភិវឌ្ឍនៃចំណងមិត្តភាពរវាងប្រទេសទាំងពីរនៅក្នុងយុគសម័យថ្មី៕