មនុស្សជាង ១ពាន់នាក់ អបអរសាទរភាពជោគជ័យក្នុងការអភិរក្សសត្វផ្សោតទន្លេមេគង្គ
- 2019-10-28 02:15:27
- ចំនួនមតិ 0 | ចំនួនចែករំលែក 0
មនុស្សជាង ១ពាន់នាក់ អបអរសាទរភាពជោគជ័យក្នុងការអភិរក្សសត្វផ្សោតទន្លេមេគង្គ
ចន្លោះមិនឃើញ
ទិវាសត្វផ្សោតទន្លេមេគង្គឆ្នាំនេះ ជាទិវាដែលធំបំផុតដែលមិនធ្លាប់បានប្រារព្ធធ្វើពីមុនៗមក ដោយ មានអ្នកចូលរួមក្នុងកម្មវិធីប្រហែលជាង ១០០០ នាក់ ហើយវាជាលើកដំបូងបំផុតដែលទិវានេះ មានការចូលរួមពីក្រុមហ៊ុនឯកជនធំៗ និងបន្តក្តីសង្ឃឹមដែលចំនួនសត្វផ្សោតទន្លេមេគង្គអាចស្តារឡើងវិញបាននៅក្នុងតំបន់ទេសភាពព្រៃលិចទឹកមេគង្គ។
ទិវាសត្វផ្សោតទន្លេមេគង្គដែលប្រារព្វធ្វើឡើងចាប់ពីថ្ងៃទី ២៥ ដល់ទី ២៧ ខែតុលា ឆ្នាំ២០១៩ នឹងប្រមូលផ្តុំអ្នកចូលរួមប្រមាណជាង ១០០០ នាក់ ដែលជាតំណាងមកពីស្ថាប័នរាជរដ្ឋាភិបាល ក្រុមហ៊ុនឯកជន អង្គការដៃគូ សិស្សនិស្សិត យុវជន សហគមន៍ ភ្ញៀវទេសចរ និងប្រជាពលរដ្ឋក្នុងទីរួមខេត្តក្រចេះ។
ក្នុងឆ្នាំ២០១៨ អង្គការ WWF-កម្ពុជា រដ្ឋបាលជលផល និងដៃគូអភិរក្សនានា បានប្រារព្ធពិធីអបអរសាទរចំពោះកំណើនចំនួនសត្វផ្សោតទន្លេមេគង្គជាលើកដំបូងបំផុតក្នុងរយៈពេល ២០ ឆ្នាំ។ លទ្ធផលនៃការអង្កេតចំនួនសត្វផ្សោតទន្លេមេគង្គឆ្នាំមុន យើងបានឃើញនូវរបត់ផ្លាស់ប្ដូរនៃការធ្លាក់ចុះចំនួនសត្វផ្សោតទន្លេមេគង្គ។
ការធ្លាក់ចុះនៃចំនួនសត្វផ្សោតក្នុងរយៈពេល ២០ ឆ្នាំកន្លងមកនេះ ជាចុងក្រោយអាចកើនឡើងវិញជាលើកដំបូងបង្អស់” ប្រសាសន៍របស់លោក សេង ទៀក នាយកអង្គការ WWF-កម្ពុជា។ ទិវាសត្វផ្សោតទន្លេមេគង្គជាឱកាសមួយដើម្បីអបអរសាទរភាពជោគជ័យ និងការបន្តភាពប្តេជ្ញាចិត្តរបស់យើងក្នុងការធានាបានថាសត្វផ្សោតទន្លេមេគង្គរបស់កម្ពុជានៅតែគង់វង្ស តាមរយៈកិច្ចប្រឹងប្រែងធ្វើការរួមគ្នាជាមួយរដ្ឋាភិបាល ដៃគូអភិរក្ស សហគមន៍មូលដ្ឋាន និងវិស័យឯកជន។
លោក អេង ជាសាន ប្រតិភូរាជរដ្ឋាភិបាល ទទួលបន្ទុកអគ្គនាយករដ្ឋបាលជលផលកម្ពុជា នៃក្រសួងកសិកម្ម រុក្ខាប្រមាញ់ និងនេសាទបាននិយាយថា «យើងបានទទួលលទ្ធផលជាប្រវត្តិសាស្ត្រក្នុងការងារអភិរក្សសត្វផ្សោតទន្លេមេគង្គ ដែលកើតចេញពីកិច្ចខិតខំប្រឹងប្រែង និងការប្តេជ្ញាចិត្តរបស់យើងទាំងអស់គ្នា» ។ លោកបានបន្ថែមថា លោកនឹងបន្តកិច្ចខិតខំប្រឹងប្រែងរបស់យើង ដើម្បីដោះស្រាយបញ្ហាប្រឈមនានា ហើយសង្ឃឹមថានឹងអាចទទួលបានលទ្ធផលល្អមួយកម្រិតទៀត៕