កំណត់ត្រា៣ធំៗរបស់ក្រុមបាល់ទាត់កម្ពុជា នៅស៊ីហ្គេមឆ្នាំនេះ
- 2019-12-05 02:29:24
- ចំនួនមតិ 0 | ចំនួនចែករំលែក 0
កំណត់ត្រា៣ធំៗរបស់ក្រុមបាល់ទាត់កម្ពុជា នៅស៊ីហ្គេមឆ្នាំនេះ
ចន្លោះមិនឃើញ
ស៊ីហ្គេមឆ្នាំ២០១៩នេះ ក្រុមបាល់ទាត់កម្ពុជា បានបង្កើតនូវកំណត់ត្រាធំៗ៣ គិតចាប់ពីឆ្នាំ១៩៩៥មក ក្នុងនោះរួមមាន៖
១. ឡើងទៅវគ្គពាក់កណ្តាលផ្តាច់ព្រ័ត្រ
បញ្ចប់ការប្រកួតវគ្គចែកពូល កម្ពុជា បានឈរលេខ២ ក្នុងពូល មាន ៧ពិន្ទុ បានឡើងទៅវគ្គពាក់កណ្តាលផ្តាច់ព្រ័ត្រជាលើកដំបូង ជាមួយនឹងមីយ៉ាន់ម៉ា ដែលឈរលេខ១ ក្នុងពូលមាន ១០ពិន្ទុ។
២. ឈ្នះម៉ាឡេស៊ីលើកដំបូង
កម្ពុជា បានបំបាក់ ម៉ាឡេស៊ី ៣-១ នៅជុំចុងក្រោយវគ្គចែកពូល ដែលនេះគឺជាជ័យជម្នះលើកដំបូងរបស់កម្ពុជា លើ ម៉ាឡេស៊ី ក្នុងព្រឹត្តិការណ៍កីឡានេះ។
៣. គ្រាប់ដែលស៊ុតចូលទីម័រ គឺជាគ្រាប់បាល់ដែលកម្ពុជា ស៊ុតចូលច្រើនបំផុត
ក្រុមបាល់ទាត់ U22 កម្ពុជា បានលត់ U22 ទីម័រខាងកើត ក្នុងលទ្ធផល ៥-០ ក្នុងពូលA ជុំទី២ នៃព្រឹត្តិការណ៍កីឡានេះ កាលពីថ្ងៃទី២៧ វិច្ឆិកា។ នេះជាការស៊ុតបញ្ចូលទីគូប្រកួតច្រើនគ្រាប់បំផុតរបស់កម្ពុជា គិតចាប់តាំងពីឆ្នាំ១៩៩៥មក ដោយស៊ីហ្គេមកន្លងមក កម្ពុជាស៊ុតគូប្រកួតច្រើនបំផុតត្រឹម៤គ្រាប់ប៉ុណ្ណោះ៕
រូបថត៖ សហព័ន្ធកីឡាបាល់ទាត់កម្ពុជា