កីឡាករចិនម្នាក់ស៊ុតបាន ២ គ្រាប់តែឯងនៅពានធំទី ២ លីគអេស្ប៉ាញ(មានវីដេអូ)

2019-12-20 03:58:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Wu Lei បានបញ្ចេញទេពកោសល្យរបស់ខ្លួនដោយស៊ុតបាន ២ គ្រាប់ម្នាក់ឯង ជួយឲ្យក្រុម Espanyol ឈ្នះ Lleida Esportiu ក្នុងជម្រុះនៃពាន COPA del Ray យប់មិញនេះ។

Wu Lei និងអ្នកគាំទ្រពេលចប់ការប្រកួតយប់មិញ /រូបថត៖ CNFootball

បន្ទាប់ពី Wu Lei បានក្លាយជាកីឡាករសញ្ជាតិចិនដំបូងបង្អស់ ដែលរកគ្រាប់បាល់បាននៅលីគកំពូលអេស្ប៉ាញ Laliga ពេលបង្ហាញខ្លួនលើកទី ៣ លេងឲ្យក្រុម Espanyol ទល់នឹងក្រុម Real Valladolid យកឈ្នះដោយលទ្ធផល ៣-១ កាលពីរដូវកាល ២០១៨-២០១៩ កន្លងមក។ ពេលនេះរូបគេត្រូវបានក្លឹបនិងអ្នកគាំទ្រលើកសរសើរពីសមត្ថភាពសម្រេចទីដ៏ល្អ បានជួយក្រុមឲ្យឈ្នះជាញឹកញាប់។

Wu Lei និងមិត្តរួមក្រុម

ជម្រាបជូន ខ្សែប្រយុទ្ធវ័យ ២៧ ឆ្នាំរូបនេះ មិនមែនកីឡាករដំបូងដែលបានជាន់ដីអេស្ប៉ាញនោះទេ ពោលគឺធ្លាប់មានកីឡាករម្នាក់ឈ្មោះ Zhang Chengdong ចុះកិច្ចសន្យាលេងឲ្យក្លឹប Rayo Vallecano រួចមកហើយកាលពីរដូវកាល ២០១៥-២០១៦។

Wu Lei និងអ្នកគាំទ្រ

Wu Lei មុនបានមកលេងអេស្ប៉ាញ រូបគេជាកីឡាកររបស់ក្លឹប Shanghai SIPG នៅលីគកំពូលចិន Chinese Super League ហើយថែមទាំងជាកីឡាករឆ្នើមរកបានគ្រាប់បាល់ច្រើនជាងគេ ៥ រដូវកាលជាប់គ្នា។ ជាងនេះទៀត វត្តមានរបស់កីឡាករញញឹមស្រស់រូបនេះ ក៏បានទាក់ទាញអ្នកគាំទ្រចិនឲ្យចូលតាមដានទស្សនាជាង ៤០ លាននាក់កាលពីរដូវកាលមុន។ ចំណេកឯ ក្លឹបបាល់ទាត់ Espanyol ដែលមានមូលដ្ឋាននៅទឹកដីតំបន់កាតាឡាន់ប្រទេសអេស្ប៉ាញ ត្រូវបានគ្រប់គ្រងដោយសេដ្ឋីចិនលោក Chen Yansheng៕

ទស្សនាវីដេអូហាយឡាយខាងក្រោម៖