មកស្គាល់កីឡាករចិនដំបូងបង្អស់ រកគ្រាប់បាល់បាននៅលីគកំពូលអេស្ប៉ាញ Laliga

2019-06-13 04:47:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Wu Lei បានក្លាយជាកីឡាករសញ្ជាតិចិនដំបូងបង្អស់ ដែលរកគ្រាប់បាល់បាននៅលីគកំពូលអេស្ប៉ាញ Laliga ពេលបង្ហាញខ្លួនលើកទី ៣ លេងឲ្យក្រុម Espanyol ទល់នឹងក្រុម Real Valladolid យកឈ្នះដោយលទ្ធផល ៣-១ កាលពីរដូវកាល ២០១៨-២០១៩។

Lei បាននិយាយក្រោយចប់ការប្រកួតនោះថា "ខ្ញុំសប្បាយចិត្តដែលអាចរកគ្រាប់បាល់បាន ហើយថែមទាំងមានអ្នកគាំទ្រជាច្រើនស្វាគមន៍យ៉ាងកក់ក្ដៅ ហើយខ្ញុំនឹងព្យាយាមរកគ្រាប់បាល់បន្ថែមទៀត។"

យ៉ាងណាមិញ ខ្សែប្រយុទ្ធវ័យ ២៧ ឆ្នាំរូបនេះមិនមែនកីឡាករដំបូងដែលបានជាន់ដីអេស្ប៉ាញនោះទេ ពោលគឺធ្លាប់មានកីឡាករម្នាក់ឈ្មោះ Zhang Chengdong ចុះកិច្ចសន្យាលេងឲ្យក្លឹប Rayo Vallecano រួចមកហើយកាលពីរដូវកាល ២០១៥-២០១៦។

មិត្តរួមក្រុមអបអរ Lei រកគ្រាប់បាល់បាន

ចំណែក Wu Lei មុនបានមកលេងអេស្ប៉ាញ រូបគេជាកីឡាកររបស់ក្លឹប Shanghai SIPG នៅលីគកំពូលចិន Chinese Super League ហើយថែមទាំងជាកីឡាករឆ្នើមរកបានគ្រាប់បាល់ច្រើនជាងគេ ៥ រដូវកាលជាប់គ្នា។ ជាងនេះទៀត វត្តមានរបស់កីឡាករញញឹមស្រស់រូបនេះ ក៏បានទាក់ទាញអ្នកគាំទ្រចិនឲ្យចូលតាមដានទស្សនាជាង ៤០ លាននាក់កាលពីរដូវកាលមុន។