Romelu Lukaku អាចស៊ុតបាន ១ គ្រាប់បន្ថែមទៀតធ្វើឲ្យតួលេខកើនដល់ ២២ គ្រាប់ក្នុងការបង្ហាញខ្លួនចូលលេងឲ្យក្លឹប ៣២ ដង(គិតគ្រប់កម្មវិធីប្រកួត) បានក្លាយជាកីឡាករដំបូងគេក្នុងប្រវត្តិសាស្រ្តក្លឹប Inter Milan ដែលអាចរកបានគ្រាប់ច្រើនលឿនបែបនេះ ជាពិសេសគឺអាចស៊ុតចូល ៦ ដងជាប់ៗគ្នានៅ Europa League ។

បើគិតលើស្ថិតិរដូវកាលដំបូងដូចគ្នា កាលពីអតីតកាលខ្សែប្រយុទ្ធសញ្ជាតិប្រេស៊ីល Ronaldo Nazário ចូលលេងពេញមួយរដូវកាលដំបូងរបស់ខ្លួនបានតែ ៣១ ដងរកបាន ២០ គ្រាប់។ ដូចនេះច្បាស់ណាស់ថា ខ្សែប្រយុទ្ធបែលហ្សិក Lukaku នឹងបន្តកាន់កំណត់ត្រាល្អជំនួស Ronaldo វិញម្តងនៅ Inter Milan ។

ត្រឡប់មកការប្រកួតជើងទី​១ វគ្គ ៣២ ក្រុមចុងក្រោយពានរង្វាន់ Europa League យប់មិញរវាងក្រុម Ludogorets Razgrad និង Inter Milan បញ្ចប់ទៅលទ្ធផល ០-២ រកបានដោយកីឡាករចំណូលថ្មី Eriksen និងប៉េណាល់ទីចូលដោយ Lukaku ។

សម្រាប់ជើងទី ២ Inter នឹងត្រូវទៅបើកទ្វារកីឡាករ San Siro ទទួលក្រុមមកពីប៊ុលការីនេះវិញម្ដងនៅម៉ោង ៣ រំលងអាធ្រាត្រឈានចូលថ្ងៃទី ២៨ ខែកុម្ភៈឆ្នា ២០២០ ខាងមុខនេះ៕

• Inter Milan ទិញ​ Lukaku ពី Man Utd តម្លៃ​៧៤​លាន​ផោន​
• អ្នកគាំទ្រ Man Utd ចាប់ផ្ដើម​ខក​ចិត្ត ទទូច​ឲ្យ​គ្រូ​ដក Lukaku ចេញ​ពី​ជម្រើស១១​នាក់